Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

ShQO-da bıyl 50-den astam dáriger sheteldik klınıkalarda is-tájirıbeden ótedi

2021 jyldyń 6 sáýir 2021 17:55

ÓSKEMEN. QazAqparat – Shyǵys Qazaqstan oblysynda bıyl 50-den astam medıtsına qyzmetkeri sheteldik klınıkalarda biliktilikterin arttyrady, dep habarlaıdy QazAqparat tilshisi.

Óńirde sońǵy 3 jylda medıtsına qyzmetkerlerin respýblıkalyq jáne sheteldik klınıkalarda oqytýdyń úsh deńgeıli baǵdarlamasy júzege asyrylyp jatyr. 2019 jylǵa deıin 276 dáriger Anglııa, Lıtva, Izraıl, Polshadaǵy jetekshi klınıkalarda biliktilikterin arttyrǵan.

Alaıda koronavırýs pandemııasy bastalǵaly beri ótken jyly tek 5 maman ǵana Túrkııada is-tájirıbeden ótti. Bul jaıly ShQO Densaýlyq saqtaý basqarmasynyń basshysy Ermek Omarbekov onlaın formatta ótken baspasóz máslıhatynda málim etti.

«Sonymen qatar byltyr aq halattylar úshin álemdik deńgeıdegi jetekshi mamandardyń qatysýymen 5 sheberlik saǵaty uıymdastyryldy. Sheberlik saǵatyna 100 medıtsına qyzmetkeri qatysqan. Osy jyly da dárigerlerdi sheteldik klınıkalarǵa jiberý kózdelip otyr. Jospar boıynsha 53 akýsher-gınekolog jáne onkolog mamandar biliktilikterin arttyrady», - dedi ol.

Qazirgi tańda is-tájirıbeden ótetinderdiń tizimi jasalǵan. Dárigerler til úırenýdi bastap ketti.


Joǵary qaraı