Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

ShQO-da birneshe kúnde buzaqylyq jasaǵan 40-tan astam jasóspirim anyqtaldy

2021 jyldyń 19 qyrkúıek 2021 09:10

ÓSKEMEN. QazAqparat – Shyǵys Qazaqstan oblysynda polıtsııa qyzmetkerleri tórt kún ishinde usaq buzaqylyq jasaǵan 40-tan astam jasóspirimdi anyqtady, dep habarlaıdy QazAqparat tilshisi.

ShQO Polıtsııa departamenti baspasóz qyzmetiniń málimetine súıensek, búginde óńir aýmaǵynda «Jasóspirim» jedel aldyn alý sharasy júrgizilip jatyr. Mundaǵy maqsat – kámelettik jasqa tolmaǵandardyń alkogol, esirtki jáne psıhotropty zattardy tutyný faktisin anyqtaý, jasóspirimder arasyndaǵy qylmystyń aldyn alý.

«Sharanyń alǵashqy 4 kúninde 520 ákimshilik quqyqbuzýshylyq anyqtaldy. Atap aıtqanda, bala tárbıesi boıynsha mindetin oryndamaǵan 35 ata-ana, usaq buzaqylyq jasaǵan 41 jasóspirim, alkogoldi ishimdik ishken kámelettik jasqa tolmaǵan 27 balanyń áke-sheshesi jaýapqa tartyldy. Sondaı-aq túngi ýaqytta kóshe kezip júrgen 98 jasóspirim tirkeldi», - delingen aqparatta.

Qazirgi ýaqytta oblystaǵy ishki ister organdarynda 309 bala esepte tur. Shara barysynda olardyń barlyǵy tekserilip, zańdy buzbaý qajettigi jaıly túsindirý jumystary júrgizilgen.


Joǵary qaraı