Aýa raıy
Astana -18 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

ShQO-da bir túnde 26 adam qar qursaýynan qutqaryldy

2021 jyldyń 23 qańtar 2021 10:38

ÓSKEMEN. QazAqparat – Shyǵys Qazaqstan oblysynda bir túnde 26 adam qar qursaýynan qutqaryldy, dep habarlaıdy QazAqparat tilshisi.

ShQO Tótenshe jaǵdaılar departamenti baspasóz qyzmetiniń málimetine súıensek, birinshi qońyraý «Maqanshy-Úrjar» tasjolynda Toyota Highlander kóligi jyraǵa qulap ketken júrgizýshiden tústi. Oqıǵa ornyna kelgen №54 órt sóndirý bóliminiń qyzmetkerleri arnaıy tehnıkamen kólikti súırep shyǵardy. Osylaısha, 3 adam Maqanshyǵa qaraı qaıta bet alǵan.





«Sondaı-aq «Maqanshy-Blagodarnoe» tasjolynda qarǵa batqan 2 kólikte 4 adam bolǵan. Qutqarýshylar birden sol jerge jetip olardy evakýatsııalady. Dál osyndaı jaǵdaı Tarbaǵataı aýdanyndaǵy Aqjar-Shilikti tasjolynda tirkelgen. Qar qursaýynda qalǵan 2 kóliktegi 4 azamatty №52 órt sóndirý bóliminiń qyzmetkerleri mańaıdaǵy qystaqqa jetkizdi», - dep habarlady vedomstvo ókilderi.





Al «Omby-Maıqapshaǵaı» tasjolynda jolda qalǵan 6 kóliktiń ishinde «Gazel» men KamAZ bolǵan. Qutqarýshylar kólikterdi qardan shyǵaryp, 15 adamdy Zaısan qalasyna deıin aparyp tastady.

Jalpy 1 túnniń ishinde qar qursaýynda qalǵan 26 adam qutqaryldy.


Joǵary qaraı