Aýa raıy
Astana -5 °S
Almaty -5 °S
valıýta baǵamy
USD 421.58
EUR 496.83
RUB 5.53
CNY 62.20

ShQO-da bir kúnde 1500-den astam ákimshilik quqyq buzý faktisi anyqtaldy

2020 jyldyń 25 qarasha 2020 14:45

ÓSKEMEN. QazAqparat – Shyǵys Qazaqstan oblysynyń polıtseıleri bir kún ishinde 1500-den astam ákimshilik quqyq buzýshylyqty anyqtady, dep habarlaıdy QazAqparat tilshisi.

ShQO polıtsııa departamenti baspasóz qyzmetiniń málimetine súıensek, óńir aýmaǵynda qoǵamdyq qaýipsizdikti qamtamasyz etý, qylmystyń aldyn alý jáne eskertý maqsatynda 23-30 qarasha aralyǵynda «Quqyqtyq tártip» jedel aldyn alý sharasy ótkizilýde.

Bir kún ishinde polıtsııa qyzmetkerleri 20 qylmysty jáne osyǵan deıin jasalǵan 25 qylmystyq isti ashty.

«Shara barysynda tártip saqshylary 1590 ákimshilik quqyq buzýshylyqty anyqtady. Onyń ishinde usaq buzaqylyq jasaǵan – 181, alkogoldi ishimdik iship alyp qoǵamdyq oryndarda júrgen – 291, mas kúıde kólik tizgindegen – 17 adam boldy. Budan bólek, tirkeýge alynǵandar arasynda belgilengen shekteýlerdi buzýdyń 15, qorǵaý nusqamasyn attaýdyń 18 faktisi anyqtalǵan», - dedi departament bastyǵy Saǵat Mádıev.

Polıtseıler zańsyz saqtalǵan 8 atys qarýyn tárkiledi. Máselen, tekserý barysynda 66 jastaǵy Kókpekti aýdany turǵynynyń garajynan 16-kalıbrli tegis uńǵyly myltyq tabylǵan. Qazirde atalǵan fakti boıynsha ballıstıkalyq saraptama taǵaıyndaldy.

Osy rette, departament ókilderi qandaı da bir zańbuzýshylyqqa kýá bolǵan óńir turǵyndaryn birden «102» arnasyna habarlaýǵa shaqyrady.


Joǵary qaraı