Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

ShQO-da aýylǵa baryp jumys isteıtin 100-den astam dárigerge úı beriledi

2021 jyldyń 24 qyrkúıek 2021 11:29

ÓSKEMEN. QazAqparat – Shyǵys Qazaqstan oblysynda aýylǵa baryp jumys isteıtin 100-den astam dárigerge baspana berilmek, dep habarlaıdy QazAqparat tilshisi.

Bul jaıly ShQO ákimdiginde ótken jınalys barysynda aımaq basshysy Danıal Ahmetov málimdedi.

«Aýyldaǵy aýrýhanalarǵa baryp jumys isteıtin medıtsına qyzmetkerleri «Birqabatty Shyǵys» baǵdarlamasy aıasynda turǵyn úımen qamtamasyz etiledi. Qazir óńir boıynsha anestezıologııa, reanımatologııa, akýsherııa, pedıatrııa jáne gınekologııa kadrlarynyń tapshylyǵy sezilip otyr. Aýyldar men kentterge keletin 113 dárigerge jalpy aýdany 40-50 sharshy metr bolatyn páterler beriledi», - dedi ol.

Sondaı-aq jıyn barysynda «Eńbek» baǵdarlamasy boıynsha shaǵyn bıznes ashqysy kelgen azamattarǵa kómek kórsetý boıynsha atqarylyp jatqan jumystar sóz etildi.

«Óńirimiz óz isin bastaǵysy kelgenderge bólingen grant sany jaǵynan respýblıkada kósh bastap tur. Búgingi tańda Jumyspen qamtý jáne áleýmettik baǵdarlamalardy úılestirý basqarmasy halyqty jumysqa ornalastyrý, qaıta oqytý jáne mıkrokredıt berý boıynsha jaqsy jumys júrgizýde. Aldaǵy ýaqytta jastarǵa arnalǵan granttarǵa qosymsha 59 mıllıon teńge bólýdi tapsyrdym», - dedi Danıal Ahmetov.


Joǵary qaraı