Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

ShQO-da aýyldyq okrýg ákimi saılaýyna 77 úmitker túsip otyr

2021 jyldyń 25 shilde 2021 11:58

ÓSKEMEN. QazAqparat – Shyǵys Qazaqstan oblysynda aýyldyq okrýg ákimi saılaýyna 77 úmitker túsip otyr, dep habarlaıdy QazAqparat tilshisi.

ShQO Aqparat ortalyǵynyń málimetine súıensek, úmitkerlerdiń eń kóp sany Úrjar aýdanynyń Maqanshy, Katonqaraǵaı aýdanynyń Belqaraǵaı jáne Glýbokoe aýdanynyń Ýshanov aýyldyq okrýkterinde tirkelgen. Atalǵan okrýgterde tórt adamnan, 72 saılaý okrýginde úsh adamnan, qalǵan 2 saılaý okrýginde 2 kandıdattan saılaýǵa túsip otyr.

«Kandıdattardyń jalpy sanynyń ishinde 171 er adam jáne 61 áıel adam. Úmitkerlerdiń ortasha jasy - 44. Eń jas kandıdat 26 jasta, ol Altaı aýdany Turǵynyn aýyldyq okrýginiń ákimdigine úmitker. Al 61 jastaǵy eń jasy úlken kandıdat Úrjar aýdany Maqanshy aýyldyq okrýginiń ákimi laýazymyna daýysqa túsedi», - delingen habarlamada.

Kókpekti aýdanynyń Palatsyn jáne Shemonaıha aýdany Vydrıha aýyldyq okrýkterinde aýyl ákimine úsh áıelden úmitker bolyp otyr.

Esterińizge sala ketsek, osyǵan deıin Shyǵys Qazaqstanda 221 saılaý ýchaskesi jumys istep turǵandyǵyn habarlaǵan bolatynbyz .


Joǵary qaraı