Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

ShQO-da «Aýyl – el besigi» baǵdarlamasy aıasynda 103 joba júzege asyrylmaq

2022 jyldyń 28 mamyr 2022 04:55

ÓSKEMEN. QazAqparat – Shyǵys Qazaqstan oblysynda «Aýyl – el besigi» baǵdarlamasy aıasynda 103 joba júzege asyrylady, dep habarlaıdy QazAqparat tilshisi.

Aımaq basshysy Danıal Ahmetov «Aýyl – el besigi» baǵdarlamasy aıasynda jobalardyń iske asyrylýy jaıly qala jáne aýdan ákimderimen jınalys ótkizdi. Jalpy atalǵan baǵdarlama sheńberinde 103 joba júzege asyrylmaq.

«Búginde 45 joba boıynsha kelisimsharttar jasaldy. Al 58 jobaǵa qatysty konkýrstyq rásimder aıaqtalýǵa taıaý. 10 maýsymǵa deıin barlyq ákim kelisim-shart jasasý merziminiń nege uzaqqa sozylyp ketkeni týraly tolyq aqparat berýi tıis. Sondaı-aq olar densaýlyq saqtaý, bilim salalary boıynsha qolǵa alynǵan jobalardy iske asyrýǵa daıyn bolýy qajet», - dedi oblys ákimi.

Onyń aıtýynsha, sporttyq jáne áleýmettik nysandardy tapsyrý merzimin uzaqqa sozatyn qurylys kompanııalarymen tıisti jumystar júrgizilý kerek.

«Ákimder qurylystyń nege ýaqtyly aıaqtalmaǵanyn anyqtaýy qajet. Eger obektıvti sebepter bolmasa, onda kásipkermen shartty buzyp, jobalardy aıaqtaý úshin jumysyna adal merdigerlerdi izdegen jón», - dedi Danıal Ahmetov.

Esterińizge sala ketsek, osyǵan deıin eldegi kásipkerlerdiń aryz-shaǵymy boıynsha Shyǵys Qazaqstan kósh basynda turǵanyn habarlaǵan edik.



Joǵary qaraı