Aýa raıy
Astana -14 °S
Almaty -2 °S
valıýta baǵamy
USD 421.58
EUR 496.83
RUB 5.53
CNY 62.20

ShQO-da 8 aı boıy halyqaralyq izdeýde júrgen qylmysker ustaldy

2020 jyldyń 21 qazan 2020 11:45

ÓSKEMEN. QazAqparat – Shyǵys Qazaqstan oblysynyń polıtsııa qyzmetkerleri segiz aı boıy jasyrynyp júrgen qylmyskerdi qolǵa túsirdi, dep habarlaıdy QazAqparat tilshisi.

ShQO Polıtsııa departamenti krımınaldyq polıtsııa basqarmasynyń qyzmetkerleri TMD elderiniń transshekaralyq yntymaqtastyǵy josparyn iske asyrý sheńberinde uzaq ýaqyt Reseı Federatsııasynyń quqyq qorǵaý organdarynan jasyrynyp júrgen 37 jastaǵy qylmyskerdi izdestirdi.

«Qurylys jumystary kezinde qaýipsizdik erejelerin saqtamaǵandyǵy birneshe adam ólimine soqtyrǵan er adamǵa halyqaralyq izdeý jarııalanǵan. Tártip saqshylary ony Rıdder qalasynda qolǵa túsirdi. Qazirgi ýaqytta Reseı Federatsııasyndaǵy áriptesterge kúdiktiniń ustalǵandyǵy habarlandy», - dedi departament bastyǵy Saǵat Mádıev.

Aıta keteıik, jyl basynan beri ShQO PD krımınaldyq polıtsııa basqarmasynyń polıtseıleri Reseı Federatsııasynyń quqyq qorǵaý organdarynda ártúrli qylmys jasaǵany úshin izdeýde júrgen 18 adamdy anyqtaǵan.


Joǵary qaraı