Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

ShQO-da 59 jastaǵy er adamdy óltirgen kúdikti ustaldy

2021 jyldyń 25 qazan 2021 10:18

ÓSKEMEN. QazAqparat – Shyǵys Qazaqstan oblysy Borodýlıha aýdanynda 59 jastaǵy er adamdy óltirgen kúdikti qolǵa tústi, dep habarlaıdy QazAqparat tilshisi.

ShQO polıtsııa departamenti baspasóz qyzmetiniń málimetine súıensek, qazan aıynyń basynda «102» jedel arnasyna belgisiz áıel habarlasty.

Óz sózinde ol Jańa Shúlbi aýyly kósheleriniń birindegi úıden zorlyqpen óltirilgen er adamnyń máıiti tabylǵanyn jetkizgen.

«Jedel-izdestirý sharalaryn júrgizgen tártip saqshylary kúdiktini ustady. Ol Borodýlıha aýdanynyń 19 jastaǵy turǵyny bolyp shyqty. Jaýap alý barasynda er adam óz kinásin moıyndady», - dedi oblystyq PD bastyǵynyń orynbasary Talǵat Shaıahmetov.




Anyqtalǵandaı, qaskóı ishimdik ishý barysynda 59 jastaǵy jábirlenýshimen janjaldasyp, kúrekpen jáne qaıshymen soqqyǵa jyqqan.

Qazirgi ýaqytta (QR QK-niń 99-baby 1-bóligine sáıkes (adam óltirý) sotqa deıingi tergeý amaldary bastaldy.

Kúdikti 8 jyldan 15 jylǵa deıingi merzimge bas bostandyǵynan aıyrylýy múmkin.



Joǵary qaraı