Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

ShQO-da 4 jarym myńǵa jýyq dáriger qyzmet etedi

2021 jyldyń 20 maýsym 2021 21:21

ÓSKEMEN. QazAqparat - Shyǵys Qazaqstanda medıtsına qyzmetkerleri kúnine oraı aq halatty abzal jandarǵa qurmet kórsetildi, dep habarlaıdy QazAqparat tilshisi.

2020 jyl elimizdiń densaýlyq saqtaý salasy úshin úlken synaq boldy. Pandemııa kezinde vırýspen kúrestiń aldyńǵy shebinde dárigerler júrdi. Bul synaq aq halatty abzal jandardyń qoǵamdaǵy ornyn aıqyn kórsetti.

Shyǵys Qazaqstanda 4,5 myńǵa jýyq dáriger, 12 myńǵa jýyq orta medıtsınalyq personal bar. Olar aýrýǵa shaldyqqan ár naýqasqa qol ushyn sozyp keledi.

- Oblystyń medıtsına salasy qarqyndy damýda. Medıtsına mekemeleriniń qurylysyna, joǵary tehnologııalyq jabdyqtardy jóndeýge jáne satyp alýǵa aıtarlyqtaı qarjy bólinýde. Óńirde birneshe jyldan beri respýblıkalyq jáne sheteldik klınıkalarda densaýlyq saqtaý mamandaryn oqytýdyń úsh deńgeıli baǵdarlamasy iske asyrylyp jatyr, - dep habarlady ShQO Aqparat ortalyǵy.

Mereke qarsańynda oblys ákimi Danıal Ahmetov Densaýlyq saqtaý basqarmasy men Óskemendegi Ana men bala ortalyǵyna kelip, medıtsına qyzmetkerlerin merekelerimen quttyqtap, qurmet gramotalaryn tabys etti.

Joǵary bilikti maman, 35 jyldyq tájirıbesi bar dáriger Dınara Sádýaqasova medıtsına qyzmetin – mamandyq emes, ómir salty dep sanaıdy

- Medıtsına salasynda uzaq jyldar boıy qyzmet etip oı túıdim. Ólim men ómir arasynda arpalysyp jatqan naýqastyń sońǵy úmiti ol – dárigerde. Sondyqtan biz moıynymyzda qandaı jaýapkershilik turǵynyn bilýimiz kerek. Bul dáriger mamandyǵyn tańdaǵan kez-kelgen adamnyń paryzy, – deıdi Dınara Jambylqyzy.


Joǵary qaraı