Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

ShQO-da 4 kún buryn joǵalǵan oqýshy tabyldy

2022 jyldyń 17 mamyr 2022 23:13

ÓSKEMEN. QazAqparat – Shyǵys Qazaqstan oblysy Shemonaıha aýdanynda iz-túzsiz joǵalyp ketken 15 jastaǵy qyz aman-esen tabyldy, dep habarlaıdy QazAqparat tilshisi.

ShQO polıtsııa departamenti baspasóz qyzmetiniń málimetine súıensek, Shemonaıha qalasynyń 39 jastaǵy turǵyny osydan 4 kún buryn «102» jedel arnasyna qońyraý shalǵan.

Óz sózinde ol saǵat 21.00-de úıden shyqqan kámeletke tolmaǵan qyzynyń habar-osharsyz ketkenin jetkizdi.

Oqıǵa ornyna shuǵyl túrde aýdandyq polıtsııa bóliminiń bastyǵy Nurjan Túgelov bastaǵan jedel-tergeý toby kelip jetken.

Olar 15 jastaǵy qyzdy izdeýge kiristi. Saqshylar jasóspirim barýy múmkin degen jerlerdi, atap aıtqanda kóshelerdi, Úbe ózeniniń jaǵasy men dostarynyń úılerin aralap shyqty.

«Sonyń nátıjesinde, qyz tanysynyń úıinen tabylǵan. Onyń densaýlyǵyna eshqandaı zaqym kelgen joq. Qazir qyz ata-anasyna jetkizildi. Kámeletke tolmaǵandardyń isteri jónindegi ınspektorlar jasóspirimmen jáne ata-anasymen profılaktıkalyq áńgime júrgizdi», - delingen aqparatta.

Óz kezeginde qyzdyń anasy kómekke kelgen polıtsııa qyzmetkerlerine alǵysyn jetkizdi.

Esterińizge sala ketsek, osyǵan deıin ShQO-da bir aıdan beri polıgondaǵy qoqys órtenip jatqanyn habarlaǵan edik.



Joǵary qaraı