Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

ShQO-da 31 mln teńge qaryzy bar adam poıyzdan túsirilip, polıtsııaǵa jetkizildi

2021 jyldyń 14 qyrkúıek 2021 15:29

ÓSKEMEN. QazAqparat – Shyǵys Qazaqstan oblysynda 31 mln teńge qaryzy bar adam poıyzdan túsirilip, polıtsııaǵa jetkizildi, dep habarlaıdy QazAqparat tilshisi.

Óskemen qalalyq PB Kóshi-qon qyzmeti bólimine sot oryndaýshysynan 31 mln teńgeden astam qaryzy bar azamattan bereshekti óndirip alý týraly qaýly tústi.

52 jastaǵy er adam jeke kásibin damytý úshin memleketten qarajat alyp, qaıtarmaǵan. Jedel-izdestirý sharalary barysynda onyń Almatydan Óskemenge deıin bılet satyp alǵany anyqtaldy.

«13 qyrkúıekte boryshker Óskemendegi temirjol vokzalynda poıyzdan túsirilip, sot oryndaýshysyna aqparat berý úshin Polıtsııa basqarmasyna jetkizildi. Kóshi-qon qyzmeti jumysynyń negizgi baǵyttarynyń biri – atqarýshylyq is júrgizý boıynsha boryshkerlerdi izdestirý. Jyl basynan beri qaryzdy tólemegeni úshin sot oryndaýshylarynan jasyrynyp júrgen 150-den astam adam anyqtaldy», - dep habarlady ShQO Polıtsııa departamentiniń baspasóz qyzmeti.


Joǵary qaraı