Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

ShQO-da 27  áleýmettik-mádenı nysan salynbaq

2021 jyldyń 29 shilde 2021 19:46

ÓSKEMEN. QazAqparat - Shyǵys Qazaqstan oblysynda 27 áleýmettik-mádenı nysan salynbaq, dep habarlaıdy QazAqparat tilshisi.

Óńirde mádenı, sporttyq jáne turǵyn úı obektilerin salý máseleleri boıynsha oblys ákimdiginde jınalys ótti.

«Bıyl biz alǵash ret bir ýaqytta 27 áleýmettik-mádenı nysan salǵaly otyrmyz. Aýqymdy jobalardyń biri – Semeı qalasynda balalarǵa arnalǵan ońaltý ortalyǵyn salý. Qurylysty bastaýǵa oblystyq bıýdjetten 100 mln teńge bólindi», - dedi oblys ákimi Danıal Ahmetov.

Semeı qalasyndaǵy Stepnoı jáne Vostochnyı kentterinde jańa mektepterdiń qurylys jumystary qarqyndy júrýde.

«Nysandardyń qurylysy kesteden keshikpeı júrip jatqany erekshe qýantady. Borodýlıha, Marqakól, Tavrııa, Úlken Naryn, Samar syndy kóptegen aýyldar men kentterde bıyldyń ózinde basseınder jáne jańa dene shynyqtyrý-saýyqtyrý ortalyqtary paıdalanýǵa berilmek. Al sport modýlderi shalǵaıdaǵy barlyq eldi mekenge salynady», - dedi oblys ákimi.




Qabanbaı aýylynda bıyl tek modýl ǵana emes, polıtsııa bólimi jáne feldsherlik-akýsherlik pýnkttiń qurylysy aıaqtalady.

«Turǵyn úı máselesine keler bolsaq, sońǵy bes jylda birinshi ret jylyna bir mıllıon sharshy metr turǵyn úı salyp, kórsetkish deńgeıin kóterip otyrmyz. 2025 jylǵa deıingi turǵyn úı qurylysyna qatysty baǵdarlama jasaýdy tapsyrdym. Osy baǵdarlamanyń aıasynda jyl saıyn keminde 700 myń sharshy metr baspana salynýy tıis. Sondaı-aq kópbalaly otbasylarǵa kommertsııalyq úılerdegi bastapqy jarnaǵa turǵyn úı sertıfıkattaryn berý máselesin qarastyryp jatyrmyz. Óıtkeni, olar «Baqytty otbasy» baǵdarlamasy boıynsha nesıe alyp, baspanaly bolýǵa nıetti», - dedi Danıal Ahmetov.

Sonymen qatar sońǵy ýaqytta qurylysshylar qurylys materıaldarynyń qymbattaǵandyǵyn aıtýda. Osyǵan oraı oblystyń qurylys jáne ekonomıka basqarmalary árbir jaǵdaıdy muqııat zerttep, qajet bolǵan jaǵdaıda jobalarǵa túzetý engizbek.


Joǵary qaraı