Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

ShQO-da 197 mılıonnan astam aǵash otyrǵyzylmaq

2021 jyldyń 24 qyrkúıek 2021 10:14

ÓSKEMEN. QazAqparat – Shyǵys Qazaqstan oblysynda aldaǵy úsh jylda 197 mıllıonnan astam aǵash otyrǵyzý josparlanyp otyr, dep habarlaıdy QazAqparat tilshisi.

Memleket basshysy ótken jylǵy 1 qyrkúıektegi el halqyna Joldaýynda 2 mlrd aǵash otyrǵyzýdy jáne osy jumystardyń oryndalý barysyn baqylaý úshin ınteraktıvti karta ázirleýdi tapsyrǵan edi. Osyǵan oraı Shyǵys Qazaqstan oblysy ákimdiginde ótken jınalys barysynda óńir aýmaǵyn kógaldandyrý máselesi talqylandy.

«Aldaǵy úsh jylda óńirde 197 mıllıonnan astam aǵash otyrǵyzý kózdelgen. Aımaq boıynsha kógaldandyrý jumystaryn júrgizý úshin naqty jospar quryldy. Alaıda keıbir ákimder úlken áleýeti bar iri qalalarda otyrǵyzylatyn aǵash sanyn aýdandarmen birdeı qylyp kórsetken. Bul durys emes. Sondyqtan on kún ishinde osy olqylyqtyń ornyn tolyqtyrýdy tapsyrdym», - dedi ShQO ákimi Danıal Ahmetov.

Esterińizge sala ketsek, osyǵan deıin 2 mıllıard aǵash otyrǵyzý maqsatynda jasalyp jatqan jumysty baqylaý úshin ınteraktıvti karta ázirlenip jatqandyǵy habarlanǵan bolatyn.


Joǵary qaraı