Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

ShQO-da 170 myńnan astam adam Pfizer vaktsınasyn saldyrdy

2022 jyldyń 24 qańtar 2022 17:40

ÓSKEMEN. QazAqparat – Shyǵys Qazaqstan oblysynda 170 myńnan astam adam Pfizer vaktsınasyn saldyrdy, dep habarlaıdy QazAqparat tilshisi.

ShQO Densaýlyq saqtaý basqarmasy baspasóz qyzmetiniń málimetine súıensek, óńirde COVID-19 ınfektsııasyna qarsy amerıkalyq Pfizer vaktsınasyn saldyrý naýqany jalǵasýda.

«Búgingi tańda Pfizer vaktsınasyn alatyndar sanatyndaǵy halyqty ımmýndaý jumystary qarqyndy júrýde. Aımaq boıynsha atalǵan ekpeni 170 611 adam saldyrdy. Onyń ishinde 12-18 jas aralyǵyndaǵy 151 547 bala bar. Olardy vaktsınalaý tek ata-anasynyń ruqsatymen júrgizilýde. Sondaı-aq 4 532 júkti jáne 12 627 bala emizetin áıel ekpe alǵan», - delingen aqparatta.

Esterińizge sala ketsek, osyǵan deıin ShQO-daǵy aýrýhanalarda 90 kúnge jetetin dári-dármek qory bar ekendigi habarlanǵan.


Joǵary qaraı