Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

ShQO-da 116 jaǵajaıda shomylýǵa tyıym salyndy

2022 jyldyń 21 mamyr 2022 21:31

ÓSKEMEN. QazAqparat – Shyǵys Qazaqstan oblystyq máslıhatynyń sheshimimen 116 jaǵajaıda shomylýǵa tyıym salyndy, dep habarlaıdy QazAqparat tilshisi.

ShQO Tótenshe jaǵdaılar departamenti baspasóz qyzmetiniń málimetine súıensek, óńirde tyıym salynǵan shomylý oryndarynyń tizimi belgilendi.

«Kún jylynǵan saıyn ózen-kól jaǵalaýlarynda demalýshylar sany artyp keledi. Ótken jyly Shyǵys Qazaqstanda sýǵa shomylý maýsymynda 35 adam sýǵa batqan. Barlyq jazataıym oqıǵalar jabdyqtalmaǵan shomylý oryndarynda boldy. Bıyl oblystyq máslıhatynyń sheshimimen 116 jaǵajaıda shomylýǵa tyıym salynyp otyr», - delingen aqparatta.

Bul jerlerge tyıym salý belgileri ornatylǵan. Mundaı qaýipti sý aıdyndarynyń aǵyny qatty, túbin súńgýirler teksermegen. Sondyqtan ózenderde adam densaýlyǵyna qaýip tóndiretin tastar, armatýralar jáne tereńdigi tórt jáne odan da kóp metrge jetetin shuńqyrlar bolýy múmkin.

Esterińizge sala ketsek, osyǵan deıin Shyǵys Qazaqstanda bir de bir jaǵajaı shomylý maýsymyna daıyn emes ekendigin habarlaǵan edik.

Joǵary qaraı