Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

ShQO-da 10 jyldan astam ýaqyt buryn adam óltirgen áıel ustaldy

2021 jyldyń 20 qazan 2021 11:42

ÓSKEMEN. QazAqparat – Shyǵys Qazaqstan oblysynda 10 jyldan astam ýaqyt buryn adam óltirgen áıel ustaldy, dep habarlaıdy QazAqparat tilshisi.

ShQO Polıtsııa departamenti baspasóz qyzmetiniń málimetine súıensek, 2008 jyldyń sáýir aıynda «Aıagóz-Qaraǵandy» tasjolynyń boıynda 35 jastaǵy Aıagóz aýdany turǵynynyń máıiti tabylǵan. Asa aýyr qylmysty ashý boıynsha tergeý áreketteri nátıje bermeı, qylmyskerdi anyqtaý múmkin bolmady.

«Soǵan qaramastan polıtseıler izdeý jumystaryn toqtatqan joq. Nátıjesinde, bıylǵy qazan aıynda Rıdder qalasynda turatyn 51 jastaǵy áıel ustaldy. Kúdikti jınalǵan dálelder men aıǵaqtardy kórgennen keıin birden qylmysyn moıyndady. Óz sózinde ol mundaı qadamǵa súıiktisine degen qyzǵanyshtan barǵanyn jetkizdi. Er adam onyń kózinshe marqumǵa tym kóp kóńil bólgen. Buǵan ashýlanǵan áıel adam jábirlenýshini paltonyń belbeýimen qylqyndyryp óltirdi», - dedi departament bastyǵynyń orynbasary Talǵat Shaıahmetov.




Qazirgi ýaqytta kúdikti sot sanktsııasymen qamaýǵa alyndy. Oǵan qatysty sotqa deıingi tergeý amaldary jalǵasýda. Áıel 20 jylǵa deıin nemese ómir boıy bas bostandyǵynan aıyrylýy múmkin.


Joǵary qaraı