Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Shilde aıynan Qazaqstan men Germanııa arasyndaǵy avıa reıster artady

2022 jyldyń 12 mamyr 2022 14:05

NUR-SULTAN. QazAqparat - Qazaqstan men Germanııa arasynda avıareıster sany artady. Bul týraly QR Indýstrııa jáne ınfraqurylymdyq damý mınıstrligi Azamattyq avıatsııa komıtetinen málim etti, dep habarlaıdy QazAqparat.

Epıdemıologııalyq jaǵdaıdyń jaqsarýy men karantındik shekteýlerdiń jeńildetilýine baılanysty QR IIDM Azamattyq avıatsııa komıteti halyqaralyq áýe qatynasyn qalpyna keltirý jáne áýe reısterin ulǵaıtý boıynsha jumysty qolǵa aldy.

Osylaısha, shilde aıynan bastap Qazaqstan men Germanııa arasynda aptasyna 15 reıs oryndalatyn bolady, onyń ishinde «Oral – Frankfýrt» baǵyty boıynsha da reıster bar.

Atap aıtqanda, bıylǵy 15 mamyrdan bastap «Eır Astana» áýekompanııasy A321LR úlgisindegi áýe kemesinde «Nur-Sultan – Frankfýrt» baǵyty boıynsha reısterdi aptasyna 5-ten 6 reıske deıin, sondaı-aq 1 maýsymnan bastap 6-dan 7 reıske deıin arttyrýdy josparlap otyr.

Budan basqa, 2 maýsymnan bastap «Lufthansa» avıakompanııasy A330/A340 áýe kemesinde «Frankfýrt – Nur-Sultan/Almaty» baǵytyndaǵy turaqty reıster sanyn aptasyna 4-ten 5-ke deıin, 4 shildeden aptasyna 7 reıske deıin ulǵaıtpaq.

«Barlyq reıs sanıtarlyq-epıdemıologııalyq talaptardy qatań saqtaı otyryp jáne áýekompanııa saıtynda jarııalanǵan kestege sáıkes júzege asyrylatyn bolady. Áýe reısteriniń ulǵaıýy eki el arasyndaǵy ózara yntymaqtastyqtyń odan ári nyǵaıýyna, sondaı-aq týrızmniń damýyna yqpal etedi dep kútilýde», - delingen Azamattyq avıatsııa komıtetiniń málimetinde.


Joǵary qaraı