Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Shıkizattyq emes sektorlar ınvestıtsııalyq belsendiliktiń lokomotıvine aınaldy - mınıstrlik

2021 jyldyń 29 qarasha 2021 14:06

NUR-SULTAN. QazAqparat – QR Ulttyq ekonomıka vıtse-mınıstri Álisher Ábdiqadyrov negizgi kapıtalǵa salynǵan ınvestıtsııalar kólemi jaıynda túsinik berdi, dep habarlaıdy QazAqparat tilshisi.

«Koronavırýs ınfektsııasy pandemııasyna baılanysty aıtarlyqtaı quldyraýdan keıin negizgi kapıtalǵa ınvestıtsııalar dınamıkasynda qalpyna keltirý úrdisi baıqaldy. Máselen, bıyldyń 10 aıynda negizgi kapıtalǵa salynǵan ınvestıtsııalar kólemi ótken jyldyń sáıkes kezeńimen salystyrǵanda 2,5%-ǵa ulǵaıyp, shamamen 10 trıllıon teńgeni qurady», - dedi Á. Ábdiqadyrov Ortalyq kommýnıkatsııalar qyzmetinde.

Onyń aıtýynsha, ekonomıkanyń shıkizattyq emes sektorlary ınvestıtsııalyq belsendilik ósýiniń negizgi lokomotıvine aınaldy.

«Máselen, ótken jyldyń uqsas kezeńimen salystyrǵanda ınvestıtsııalar óńdeý ónerkásibinde 1,8 ese (661,5 mıllıard teńgeden 1230,4 mıllıard teńgege deıin), qurylysta 2,2 ese (57 mıllıard teńgeden 127,6 mıllıard teńgege deıin), sondaı-aq aýyl sharýashylyǵynda 1,4 ese (412,5 mıllıard teńgeden 603,4 mıllıard teńgege deıin) ósti. Óńirler bólinisinde negizgi kapıtalǵa ınvestıtsııalar boıynsha jalpy oń dınamıka baıqalyp otyr», - dedi vıtse-mınıstr.

Onyń sózine qaraǵanda, eń úzdik kórsetkishter Shymkent jáne Almaty qalalarynda, sondaı-aq Aqtóbe jáne Pavlodar oblystarynda baıqaldy. Kólemderdiń aıtarlyqtaı tómendeýi Atyraý jáne Batys Qazaqstan oblystarynda tirkeldi. Atalǵan óńirlerde ınvestıtsııalardyń tómendeý sebebi karantındik shekteýlerge baılanysty iri munaı-gaz jobalarynyń baıaýlaýy boldy.

Budan buryn habarlanǵandaı, Álisher Ábdiqadyrov pandemııanyń shekteý is-sharalary jaǵdaıynda jahandyq tikeleı shetel ınvestıtsııalary aǵyndary 35%-ǵa tómendegenin aıtty. https://www.inform.kz/qz/alemde-investiciya-agyny-kay-dengeyde-tomendedi_a3868209

Bıyl Qazaqstanǵa 20 mlrd AQSh dollary kóleminde ınvestıtsııa tartylmaq. https://www.inform.kz/qz/biyl-kazakstanga-20-mlrd-aksh-dollary-koleminde-investiciya-tartylmak_a3868220


Joǵary qaraı