Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Sheteldikterge jer satýǵa tyıym salý normasy qalaı qabyldanady

2021 jyldyń 25 aqpan 2021 14:22

NUR-SULTAN. QazAqparat – Prezıdent sheteldikterge jer satýǵa tyıym salý týraly normany zańdastyrýdy tapsyrdy. Bul týraly QR Prezıdentiniń kómekshisi Erlan Qarın Telegram jelisinde jazdy, dep habarlaıdy QazAqparat.

«Búgin Ulttyq keńes otyrysynda Prezıdenttiń basty bastamalarynyń biri – barlyq qazaqstandyqtardy tolǵandyratyn jer máselesine qatysty boldy. Memleket basshysy bul jóninde birneshe ret pikir bildirgen bolatyn. Onyń naqty jáne prıntsıpti ustanymy bar: «Bizdiń jerimiz sheteldikterge satylmaıdy». Osyǵan baılanysty Prezıdent sheteldikter men sheteldik zańdy tulǵalarǵa aýyl sharýashylyǵy jerlerin satýǵa jáne jalǵa berýge tyıym salýdy zańdastyrýdy tapsyrdy. Osylaısha, Memleket basshysy bul máselege túbegeıli núkte qoıdy», - dep jazdy Erlan Qarın Telegram jelisinde.

Ol úshin Prezıdenttiń zań shyǵarý bastamasy tártibimen Prezıdent Ákimshiligi tıisti zań jobasyn ázirleıdi. Prezıdent bul qujatty óz ókilettikteri aıasynda ázirleýdi bastama ete otyryp, osy normany zańnamalyq rásimdeý boıynsha óz kózqarasyn kórsetedi.

Atap ótken jón, qoldanystaǵy normalarǵa sáıkes zań jobasyna 3 tásilmen bastamashylyq jasalýy múmkin: Úkimettiń zań shyǵarý bastamasy boıynsha, Parlament depýtattarynyń bastamasy boıynsha jáne Prezıdenttiń bastamasy boıynsha.

«Árbir jaǵdaıda tıisti maquldaý protsedýrasy bar. Prezıdenttik bastama aıasynda zań jobasyn ázirleý qysqa merzimde sheteldikterge jerdi satý jáne jalǵa berýge tyıym salýdy zańnamalyq rásimdeýge múmkindik beredi. Osylaısha, jer pikirtalasyndaǵy eń mańyzdy másele jabyq dep senimdi túrde aıtýǵa bolady. Aýyl sharýashylyǵy jerlerin paıdalaný boıynsha qalǵan máseleler Jer komıssııasy aıasynda jumys tártibimen qaralýy tıis, onyń quramy bir aı ishinde anyqtalyp, naýryz aıynyń sońynda jumys isteı bastaıdy», - deıdi Erlan Qarın.

Eske salsaq, Ulttyq keńestiń besinshi otyrysy ótip jatyr. Ulttyq qoǵamdyq senim keńesi quramynda rotatsııa jasaldy. Jańartylǵan Májilis quramynda Ulttyq keńestiń 9 múshesi bar. _Ótken jyly 22 qazanda QR Prezıdenti Qasym-Jomart Toqaevtyń qatysýymen Ulttyq qoǵamdyq senim keńesiniń tórtinshi otyrysy, al 2019 jyly 6 qyrkúıekte alǵashqy otyrysy boldy.
Joǵary qaraı