Aýa raıy
Astana -18 °S
Almaty -4 °S
valıýta baǵamy
USD 421.58
EUR 496.83
RUB 5.53
CNY 62.20

Sheteldik ǵalym Qazaqstanda COVID-19-dyń sharyqtaý shegi qashan bolatynyn boljady

2020 jyldyń 21 qazan 2020 16:51

ALMATY. QazAqparat – Almatyda S.Asfendııarov atyndaǵy Qazaq ulttyq medıtsınalyq ýnıversıteti «COVID-19 kezindegi alǵashqy medıtsınalyq sanıtarlyq kómektiń róli» atty ǵylymı konferentsııa ótkizdi. Onlaın suhbat alańyna sheteldik mamandar koronavırýspen kúreste jınaqtaǵan tájirıbelerimen bólisti, dep habarlaıdy QazAqparat tilshisi.

Aıta ketý kerek, ǵylymı konferentsııa akademık, ǵalym Qazaqstan Taǵamtaný ınstıtýtynyń prezıdenti Tóregeldi Sharmanovtyń 90 jyldyq mereıtoıyna arnap uıymdastyryldy.

Sessııa barysynda AQSh-taǵy Densaýlyqty baǵalaý jáne kórsetkishter ınstıtýtynyń dırektory Krıstofer Mıýrreı baıandama oqydy.

Amerıkandyq ǵalym COVID-19 Qazaqstanǵa qatysty boljamyn aıtty.

Krıstofer Mıýrreı COVID-19 boljamyn modeldeýmen aınalysady. Onyń modeldeý jumysy búkil álemniń qyzyǵýshylyǵyn týdyryp otyr.

Krıstofer Mıýrreı AQSh taǵy COVID-19 100 paıyzdyq yqtımal modelin jasap shyǵarǵan.

Osy maqsatta ol kúndelikti shyǵyp jatqan naýqastar sanyna, ólim jitim kórsetkishine, ár elde engizilip jatqan shekteý sharalaryna qatysty maǵlumat jınap jatyr.

Krıstofer Mıýrreıdiń boljaýynsha, álemde aýrýdyń sharyqtaý shegi 1 aqpanda bolmaq.

Qazaqstanda vırýstyń belsendi taralýy 2021 jyldyń naýryzynda bolady.

«Jahandyq deńgeıde 1 aqpanda COVID-19-dan bolatyn ólim kúnine 30 myńǵa jetedi dep otyrmyz. Eýropada 100 adamǵa shaqqanda ólim kórsetkishi 7500 bolady. Qazaqstanda aýrýdyń sharyqtaý shegi shildede boldy. Qysta bul kórsetkish keshirek aqpannyń aıaǵy, naýryzdyń basynda bolady dep boljap otyrmyz», - dedi Krıstofer Mıýrreı.

Sarapshy álem elderindegi mobıldilik kartasy týraly aıtyp berdi.

Bul grafıka uıaly baılanys operatorlarynyń málimetteri boıynsha jasalǵan. Dınamıkalyq kórsetkishte adamdardyń karantınge deıingi qozǵalysyna qalaı qaıtyp kele jatqany kórsetilgen.

Qazaqstan bul kartada qyzyl túspen kórsetilgen.

ıAǵnı, eldegi adamdardyń kóship qoný qarqyny áli de tómen ekenin kórsetse kerek.

Ásirese, Ortalyq Qazaqstan halqy tártipti ustanyp keledi.

«Qazaqstan ádettegi kórsetkishpen salystyrǵanda 10 paıyz ustap tur. Máselen Irlandııada qazir qozǵalys 35 paıyzdy kórsetip tur. Ortalyq Azııanyń kóp elderi, Ortalyq jáne Shyǵys Eýropa elderinde áli de sol pandemııanyń sharyqtaý shegindegi qozǵalys kórsetkishi saqtalǵan», - dedi Krıstofer Mıýrreı.


Joǵary qaraı