Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Shetelden jetkizilgen aýyl sharýashylyǵy ónimderinen qandaı zııankester anyqtaldy

2021 jyldyń 26 qazan 2021 18:55

NUR-SULTAN. QazAqparat – QR AShM Agroónerkásiptik keshendegi memlekettik ınspektsııa komıtetiniń tóraǵasy Almabek Marsuly shetelden aýyl sharýashylyǵy ónimderimen birge keletin zııankesterge tosqaýyl qoıý qadamdaryn aıtty, dep habarlaıdy QazAqparat tilshisi.

«2021 jyly karantındik fıtosanıtarııalyq baqylaý júrgizý kezinde ósimdikter karantıni salasynda 5 myńnan astam zań buzýshylyq anyqtaldy. Nátıjesinde, 392 mln teńge ákimshilik aıyppul salyndy. Ósimdikter karantıni salasyndaǵy zańnamany buzǵany úshin komıtet eksporttaýshy elderge karantınge jatqyzylǵan ónimdi jetkizý kezinde biryńǵaı karantındik fıtosanıtarııalyq talaptaryn buzý týraly 792 notıfıkatsııa jiberdi», - dedi A. Marsuly Ortalyq kommýnıkatsııalar qyzmetinde.

Osy oraıda onyń negizgi úlesi Reseıge tıesili. Odan keıingi oryndarda Ózbekstan, Iran, Túrikmenstan elderi tur. Sonyń arasynda 168 notıfıkatsııa karantındik obektilerdiń anyqtalýyna baılanysty jiberildi. Bul organızmder respýblıka aýmaǵyna ákelý kezinde anyqtalyp otyr, bul rette 3 myń tonnadan astam júk qamtyldy.

«2021 jylǵy qańtarda komıtet qyzanaq jáne burysh jemisterinde karantındik baqylaý júrgizý kezinde qyzanaq jemisteriniń qońyr qatparly vırýsy anyqtaldy, 17 jaǵdaıda Ázerbaıjannan kelgen ónimde jáne 19 jaǵdaıda Túrikmenstannan kelgen ónimde. Osyǵan baılanysty Ázerbaıjan men Túrikmenstan aýmaǵynan qyzanaq ákelýge ýaqytsha tyıym salynyp, karantındik fıtosanıtarııalyq is-sharalar engizildi», - dedi ol.

Komıtet basshysynyń aıtýynsha, bıylǵy sáýir aıynda karantındik fıtosanıtarııalyq baqylaýdy júzege asyrý kezinde Germanııadan, Nıderlandydan 228 tonna tuqymdyq kartoptan, sondaı-aq kartoptyń «Zebra Chıp» karantındik obektisimen zalaldanǵan Frantsııadan 46,4 kılogramm sábiz tuqymyn ákelý toqtatyldy. Bakterııalar zerthana saraptamasynyń qorytyndysymen rastaldy.

«Joǵaryda kórsetilgen «Zebra Chıp» karantındik obektisin anyqtaý faktileri boıynsha tıisti karantındik qujattar resimdeldi. Ósimdikter karantıni salasyndaǵy zańnamany buzýǵa qatysty ákimshilik materıaldar sot qaraýyna jiberildi. Sot qaýlysynda karantınge jatqyzylǵan ónimniń zalaldanǵan partııasyn tárkileý jáne júk ıelerine ákimshilik aıyppul salý túrinde tıisti sharalar qabyldandy», - dedi ol.

Budan buryn habarlanǵandaı, bıyl úıirli shegirtke elimizdegi 640,8 myń gektar jerge taraldy.


Joǵary qaraı