Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Shetelden týrıst tartqan operatorlarǵa qansha sýbsıdııa tólenedi

2021 jyldyń 14 maýsym 2021 18:36

NUR-SULTAN. QazAqparat – Týrıstik operatorlarǵa árbir sheteldik týrıst úshin 15 myń teńge sýbsıdııa tólenbek. Ol úshin sheteldik el aýmaǵynda keminde 5 kún demalýy kerek, dep habarlaıdy QazAqparat tilshisi.

Bul týraly Týrızm ındýstrııasy komıtetiniń tóraǵasy Dastan Ryspekov ortalyq kommýnıkatsılar qyzmetinde ótken brıfıngide aıtty.

«Ózderińiz biletindeı, búgingi tańda qazaqstandyq týroperatorlardyń jumysy syrtqy týrızmge baǵyttalǵan. Budan bylaı týroperatorlardy ishten syrtqa emes, syrttan ishke týrıst tartýǵa yntalandyramyz. Ol úshin halyqaralyq tájirıbe negizinde elge ákelgen árbir sheteldik týrıst úshin týroperatorlarǵa 15 000 teńge sýbsıdııa tólenedi. Ol týrıst Qazaqstan aýmaǵynda keminde 5 kún bolýy kerek. Sonda týrıstik operatorlar týrısten de aqsha tabady, memleketten de sýbsıdııa alady. Mysaly, týroperator Qazaqstanǵa týrpaket quramynda 1 000 sheteldikti ákelse, ol memleketten 15 mln teńge alady», - dedi Dastan Ryspekov.

Komıtet tóraǵasy týroperatorlar bul qarajatty sheteldik áriptestermen óz áriptestigin odan ári nyǵaıtýǵa baǵyttaı alatynyn túsindirdi.

«Bul qarajatty olar elimizge týrıst tartý jóninde kelisim jasasý úshin halyqaralyq kórmeler uıymdastyrýǵa, ózderi basqa kórmelerge qatysýǵa paıdalana alady», - dedi komıtet basshysy.


Joǵary qaraı