Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Sheteldegi qazaqtarǵa ana tilin úıretetin tegin kýrs uıymdastyrylady

2019 jyldyń 6 naýryz 2019 12:40

ASTANA. QazAqparat - «Otandastar» qory» KEAQ pen QR Tuńǵysh Prezıdenti - Elbasy qory janyndaǵy Memlekettik tildi damytý qory yntymaqtastyq týraly memorandýmǵa qol qoıdy. Taraptar sheteldik qandastardyń ana tilin erkin meńgerýine jaǵdaı jasaýǵa, sondaı-aq til saıasatynyń tıimdi iske asýyna atsalysýǵa nıetti, dep habarlaıdy QazAqparat tilshisi qordyń baspasóz qyzmetine silteme jasap.

«Otandastar» qorynyń birinshi vıtse-prezıdenti Talǵat Adýovtyń aıtýynsha, jaqyn arada sheteldegi qandastarǵa arnalǵan qazaq tilin qashyqtyqtan úıretetin tegin kýrs bastalady. Sabaqtar Skype arqyly onlaın rejimde ótedi.

«Osy maqsatta biz ár eldegi múddeli qazaq etnomádenı jáne qoǵamdyq birlestiktermen tyǵyz baılanys ornatpaqpyz. Solardyń kómegimen ınteraktıvti taqtalarmen jabdyqtalatyn arnaıy qazaq tili kabınetterin uıymdastyramyz. Bul bastamamyz jeksenbilik mektepter jelisi sııaqty bolady. ıAǵnı, tildi úırenýshiler óz betinshe oqyp qana qoımaı, ózi sııaqty basqa da tálimgerlermen birge jınalyp, aralasa alady, sabaqty birigip óte alady. Tildi kez kelgen ýaqytta kabınetten tys onlaın oqı alý múmkindiginen bólek, olardyń betpe-bet jolyǵý alańyn uıymdastyrýymyz kerek dep sanadyq», - deıdi ol.

Al memlekettik tildi damytý qorynyń basshysy Azat Sháýeevtiń sózine súıensek, sheteldik otandastar úshin qazaq tilin ıgerýdiń ınnovatsııalyq ádisterge negizdelgen tıimdi júıesi ázirlenýde.

«Bizdiń «SSoyle.kz» portaly negizindegi mol tájirıbemiz bar. Bul - qazaq tilin ınternet arqyly onlaın rejımde úıretetin Qazaqstandaǵy alǵashqy tegin joba. Ol úlken zertteý men taldaý, osy saladaǵy basqa da elderdiń tájirıbesine úńilý nátıjesinde júzege asty. Sonymen qatar, sheteldik qandastardyń da suranystaryn barynsha eskerýge tyrysyp jatyrmyz. Máselen, olardyń yńǵaılylyǵy úshin biz portaldyń aǵylshyn-latyn nusqasyn da jasap shyǵardyq. Endi qazaq tilin latyn álipbıimen úırenýge bolady», - deıdi Azat Sháýeev.

Sonymen qatar, kelisim aıasynda til saıasaty jónindegi is-sharalardy birlesip uıymdastyrý, elektrondyq aqparattyq keńistikte memlekettik tildi damytýǵa yqpal etetin otandyq saıttar jumysyna járdemdesý jáne sheteldegi otandastarǵa arnalǵan qazaq tili boıynsha oqý quralyn ázirleý kózdelgen.




null

Avtor Aıan Bekenuly
Basty sózder: Qandastar, Til, Qazaq eli,
Joǵary qaraı