Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Shetel azamattarynyń lotereıa uıymdastyrýyna tyıym salý kerek - Toqaev

2021 jyldyń 25 aqpan 2021 13:00

NUR-SULTAN. QazAqparat – Shetel azamattarynyń el aýmaǵynda qumar oıyndardy zańsyz júrgizip, lotereıa uıymdastyrý arqyly tabys tabýyna tyıym salý kerek. Bul týraly Ulttyq qoǵamdyq senim keńesiniń 5-otyrysynda QR Prezıdenti Qasym-Jomart Toqaev aıtty, dep habarlaıdy QazAqparat tilshisi.

«Balalardy jáne kánigi qumarpazdardy oıynǵa tartqan nemese sondaı jaǵdaıǵa jol bergen zańdy tulǵalar ákimshilik jaýapkershilikke tartylýǵa tıis. Qajet bolsa, olardy lıtsenzııasynan aıyramyz. Qazir osyndaı zańsyz qyzmet úshin jeke tulǵalarǵa 200 aılyq eseptik kórsetkish kóleminde ǵana aıyppul salynady. Shetel azamattarynyń el aýmaǵynda qumar oıyndardy zańsyz júrgizip, lotereıa uıymdastyrý arqyly tabys tabýyna tyıym salý kerek», - dedi Qazaqstan Prezıdenti.

Memleket basshysy lýdomanııaǵa, ıaǵnı qumar oıyndarǵa táýeldilikke jan-jaqty tosqaýyl qoıý qajettigin atap ótti.

«Bul rette zańnamalyq shara qabyldaýmen shektelip qalýǵa bolmaıdy. Osyndaı jaǵdaıdyń aldyn alý maqsatymen tıimdi tásilder qoldaný qajet. Zańsyz oıyn bıznesimen kúresý úshin qoǵamdyq baqylaýdy kúsheıtý asa mańyzdy. Osy mindetterdi oryndaýǵa quzyrly organdar belsendi atsalysýy kerek», - dedi Qasym-Jomart Toqaev.

Eske salsaq, Ulttyq keńestiń besinshi otyrysy ótip jatyr. Ulttyq qoǵamdyq senim keńesi quramynda rotatsııa jasaldy. Jańartylǵan Májilis quramynda Ulttyq keńestiń 9 múshesi bar. _Ótken jyly 22 qazanda QR Prezıdenti Qasym-Jomart Toqaevtyń qatysýymen Ulttyq qoǵamdyq senim keńesiniń tórtinshi otyrysy, al 2019 jyly 6 qyrkúıekte alǵashqy otyrysy boldy.
Joǵary qaraı