Aýa raıy
Astana 11 °S
Almaty 16 °S
valıýta baǵamy
USD 412.55
EUR 468.66
RUB 5.79
CNY 58.80

Shet memleketter basshylary qazaqstandyqtarǵa jáne Elbasyna baq-bereke tiledi

2020 jyldyń 7 shilde 2020 08:44

NUR-SULTAN. QazAqparat - Qazaqstannyń Tuńǵysh Prezıdenti Nursultan Nazarbaevtyń atyna shetel memleketteri men úkimetteri basshylarynan kelip jatqan quttyqtaý jedelhattar legi jalǵasýda, dep habarlaıdy QazAqparat.

Túrkııa Prezıdenti Rejep Taııp Erdoǵan óz hatynda Elbasynyń táýelsiz Qazaqstannyń qalyptasýy men órkendeýindegi rólin erekshe atap ótti.

«Qazaqstannyń ıgiligi jolyndaǵy qyzmetińiz, mol tájirıbeńiz ben parasattylyǵyńyz Ózińiz úlken úles qosqan Túrki áleminiń birligi men tutastyǵyn nyǵaıtýda mańyzdy ról atqarady.

Osy múmkindikti paıdalana otyryp, Sizge jáne otbasyńyzǵa myqty densaýlyq, baqyt pen uzaq ǵumyr, al baýyrlas jáne dostas Qazaqstan halqyna amandyq pen baq-bereke tileımin», - dep jazdy Rejep Taııp Erdoǵan.

Túrikmenstan Prezıdenti Gýrbangýly Berdimuhamedov Nursultan Nazarbaevtyń ómir joly, Otanyna degen súıispenshiligi men onyń taǵdyryna aralasýy jas urpaq úshin laıyqty úlgi ekendigin atap ótti.

«Sizdiń 80 jyldyq mereıtoıyńyzǵa oraı meniń júrekjardy quttyqtaýym men izgi tilegimdi qabyl alyńyz.

Qazirgi tańda Qazaqstannyń qoǵamdyq-saıası ómiriniń barlyq salalarynda qol jetkizgen tabystary, eldiń ekonomıkalyq damýyndaǵy eleýli jetistikteri, halyqaralyq arenadaǵy bedeliniń nyǵaıýy Sizdiń atyńyzben tyǵyz baılanysty», - delingen Túrikmenstan basshysynyń jedelhatynda.

Belgııa Koroli Fılıpp jáne Monǵolııa Prezıdenti Haltmaagıın Battýlga da ózderiniń quttyqtaýlarynda Tuńǵysh Prezıdentke jáne Qazaqstan halqyna baq-bereke tiledi.


Joǵary qaraı