Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Shekaralas elderden keletin sý kóleminiń tómendeýi baıqalady – Qasym-Jomart Toqaev

2021 jyldyń 13 qazan 2021 18:11

NUR-SULTAN. QazAqparat – Memleket basshysy Qasym-Jomart Toqaev elordada ótip jatqan «Parıj kelisiminiń maqsattaryna qol jetkizý joldary jáne Qazaqstannyń kómirtegi beıtaraptylyǵy» atty halyqaralyq konferentsııada kórshi elderden keletin transshekaralyq ózenderdiń problemasyn kóterdi, dep habarlaıdy QazAqparat tilshisi.

«BUU málimetteri boıynsha, jahandyq jylyný men antropogendik áserge baılanysty 2030 jylǵa qaraı álemdik sý tapshylyǵy 40% jetýi múmkin», - dedi Qasym-Jomart Toqaev.

Prezıdenttiń aıtýyna qaraǵanda, Qazaqstandaǵy sý qaýipsizdigi kóbinese transshekaralyq ózenderdiń gıdrologııalyq jáne ekologııalyq jaǵdaıyna baılanysty.

«Búginde shektes elderden keletin sý kóleminiń tómendeýi baıqalady. Bul ózender men kólderdiń tabıǵı sý teńgeriminiń buzylýyna, sondaı-aq eldiń birqatar óńirlerindegi ekologııalyq jaǵdaıdyń nasharlaýyna alyp kelýde», - degen Memleket basshysy halyqaralyq uıymdardy bul iste qoldaý kórsetýge shaqyrdy.

«BUU týynyń astynda transshekaralyq sý aǵyndaryn qorǵaý jáne paıdalaný máselelerin retteıtin birqatar halyqaralyq kelisimder qabyldandy. Keńeıtilgen dıalog pen yntymaqtastyq jolymen halyqaralyq mindettemelerdi is júzinde oryndaý jónindegi kúsh-jigerdi úılestirý qajettigi pisip-jetildi dep oılaımyn. Bul máselede biz seriktester men halyqaralyq qoǵamdastyqtyń qoldaýyna senim artamyz», - dep túıindedi Memleket basshysy.


Joǵary qaraı