Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Shaıbaly hokkeıden álem chempıonatynda Qazaqstan Shveıtsarııadan jeńildi

2022 jyldyń 18 mamyr 2022 01:49

NUR-SULTAN. QazAqparat - Búgin shaıbaly hokkeıden álem chempıonatynda top-dıvızıonda Qazaqstan quramasy úshinshi oıynyn Shveıtsarııaǵa qarsy ótkizdi, dep habarlaıdy QazAqparat tilshisi.

Oıyn barysynda shveıtsarııalyq qurama jınaqy qımyl kórsetti. Soǵan qaramastan birinshi kezeńde esep ashylǵan joq.

Ekinshi kezeńde shveıtsarııalyq Denıs Malygın 23-mınýtta esep ashsa, Darıo Sımon 34-mınýtta esepti ústemeleı tústi.

Úshinshi kezeńde shveıtsarııalyq qurama basymdyqty arttyra túsken edi. Osyndaı sátterdiń birinde qazaqstandyq hokkeıshi Egor Shalapov aıdynnan qýyldy. Kem quramda oınaǵanyna qaramastan qazaqstandyq Djessı Bleker mergendik tanytty.

Oıynnyń 55-mınýtynda shveıtsarııalyq Fabrıs Hertsog gool soqsa, 57-mınýtta qazaqstandyq Valerıı Orehov kózdegen nysanadan múlt ketken joq.

Osylaısha Qazaqstan quramasy qarsylasynan 2:3 esebimen jeńilip qaldy.

Eske salsaq, budan buryn qazaqstandyq hokkeıshiler Danııa jáne Frantsııa quramalaryna ese jiberip qoıdy.

Endi olar kelesi oıynyn 19 mamyrda Kanadaǵa qarsy ótkizedi.


Avtor Ádiljan Úmbet
Basty sózder: Hokkeı, Sport, Qoǵam,
Joǵary qaraı