Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Shaıbaly hokkeıden álem chempıonatynda búgin Qazaqstan Germanııamen oınaıdy

2022 jyldyń 22 mamyr 2022 15:15

NUR-SULTAN. QazAqparat - Shaıbaly hokkeıden álem chempıonatynda top-dıvızıonda Qazaqstan quramasy búgin, 22 mamyrda kezekti oıynyn Germanııaǵa qarsy ótkizedi, dep habarlaıdy QazAqparat tilshisi.

Kezdesý elorda ýaqytymen 19:20-de bastalyp, «Qazsport» teleranasy arqyly tikeleı efırde kórsetiledi.

Aıta ketsek, álem chempıonaty 13-29 mamyr aralyǵynda Fınlıandııanyń Helsınkı jáne Tampere qalalarynda ótedi.

Qazaqstan quramasy A tobynda synǵa túsip jatyr. Qarsylastary - Kanada, Slovakııa, Germanııa, Danııa, Shveıtsarııa, Italııa jáne Frantsııa.

Eske salsaq, budan buryn qazaqstandyq hokkeıshiler Danııa, Frantsııa, Shveıtsarııa, Kanada jáne Slovakııa quramalarynan jeńildi.

Ázirge Qazaqstannyń qorjynynda upaı joq. Týrnır kestesinde kósh sońynda tur.

Nebári 12 upaı enshilegen Slovakııa týrnır kestesinde úshinshi orynda keledi.

Eki qurama buǵan deıin 6 márte kezdesti. Onyń 3-ýi Qazaqstannyń jeńisimen aıaqtalsa, qalǵanynda germanııalyq qurama basym tústi.

Byltyr álem chempıonatynda qazaqstandyq hokkeıshiler atalǵan qarsylasyn 3:2 esebimen tize búktirgen edi.


Avtor Ádiljan Úmbet
Basty sózder: Sport, Hokkeı,
Joǵary qaraı