Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Shavkat Mırzıeev ózbekstandyqtardy belsendi túrde vaktsına alýǵa shaqyrdy

2021 jyldyń 29 shilde 2021 11:11

TAShKENT. QazAqparat – Ózbekstan Prezıdenti epıdemıologııalyq ahýaldyń órship turǵanyna baılanysty halyqty belsendi túrde vaktsına alýǵa shaqyrdy. Bul týraly el Prezıdenti Shavkat Mırzıeevtyń tóraǵalyǵymen ótken beıneselektorlyq jınalystyń qorytyndysynda aıtyldy, dep habaralaıdy QazAqparattyń menshikti tilshisi.

«Meni álemniń jetekshi ǵalymdarynyń zertteýi qyzyqtyrdy: olardyń baǵalaýynsha, koronavırýs pandemııasy 10 jylǵa sozylmaq. Bizge osy vırýspen ómir súrip úırený kerek. Aýrýdyń taralýy taǵy da kúsheıdi. Mundaı qıyn jaǵdaıda azamattardan batyl sheshimder qabyldaý talap etiledi, sol sebepti barlyǵyna vaktsına alý kerek», - dedi Ózbekstan prezıdenti.

Ol úkimettiń ár azamat úshin kúresetinin jáne bul iske kerekti qarajatty jumsaıtynyn atap ótti. Sonymen qatar azamattardyń da óz ómiri men densaýlyǵy úshin jaýapty ekenin eske saldy. «Vaktsına alǵandar aýrýhanadan tórt kún ishinde shyǵyp jatyr, al ekpe almaǵandar qatty aýyrýda. Iá, vaktsına alǵannan keıin de aýrýdy juqtyrýyńyz múmkin, alaıda bul jaǵdaıda aýrý jeńil ótedi», dep atap ótti Shavkat Mırzıeev.

Eske sala keteıik, epıdemıologııalyq ahýaldyń órshýine baılanysty Ózbekstanda 28 shildeden bastap karantındik sharalar kúsheıtildi. 17 shilde kúni Koronavırýspen kúres jónindegi arnaıy komıssııa 18 jastan joǵary saýda, qoǵamdyq tamaqtandyrý, qyzmet kórsetý jáne bilim salasyndaǵy azamattardy, sonymen qatar áskerıler men quqyq qorǵaý organdarynyń qyzmetkerlerin mindetti vaktsınalaý týraly sheshim qabyldady. Qazirgi kezde Ózbekstan Respýblıkasynyń Parlamenti halyqtyń jumys isteıtin bóligin mindetti vaktsınalaý týraly zań jobasyn qarastyrýda.


Basty sózder: Koronavırýs, Álem, Ózbekstan, Vaktsına,
Joǵary qaraı