Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Sháýildir aýylynda ortalyqtandyrylǵan jylý qazandyǵy iske qosyldy

2021 jyldyń 30 qarasha 2021 14:41

OTYRAR.QazAqparat - Túrkistan oblysy Otyrar aýdanynda «Tuńǵysh Prezıdent kúnine» oraı birqatar jańa nysandar ashyldy. Aýdan ortalyǵy Sháýildir aýylynda jylý qazandyǵy jańadan iske qosylyp, paıdalanýǵa berildi, dep habarlaıdy QazAqparat tilshisi.

Qurylysy ótken jyly bastalǵan qazandyqqa bıýdjetten 240 mln teńge jumsalyp, taǵy 680 mln teńgege jylý qubyrlary tartylǵan. Osy nysan arqyly endi aýyldaǵy 24 kópqabatty úı men 71 áleýmettik jáne kommertsııalyq nysanǵa turaqty túrde jylý berilýde. Al, buǵan deıingi qazandyq tek jerasty jyly sýymen jumys istep kelgen bolatyn. Onyń jylýy turǵyn úıler men ǵımarattarǵa jetkenshe sýyp qalyp, jergilikti halyq qysy boıy búrseń qaǵyp shyǵatynbyz deıdi.




«Ol jylysý kelgenimen aýany da jylytpaıdy. Tok pesh qosyp, otyrdyq. Tek bir bólmeni ǵana jylytyp, myna jaqtyń bárin jaýyp tastaıtynbyz. Qazir myń da bir rahmet, áıteýir jaqsy jylý kelip jatyr. Qazir úıimiz birqalypty jyly, jaqsy jaǵdaıymyz óte jaqsy»,-deıdi jergilikti turǵyn Orazkúl Ahmetova.




Aýdandyq Turǵyn úı kommýnaldyq sharýashylyq jáne avtomobıl joldary bólimi mamandary bolsa, burynǵy qazandyq 1968 jyly iske qosylǵanyn aıtady. Sonyń saldarynan qystygúni sýdyń qysymy tómendep, jylý jetpeı kelgen. Bul kúni Sháýildir aýylynyń ortalyǵynda taǵy jańa sport jáne oıyn alańshasy ashyldy. Bul nysan aýyldy abattandyrý jáne kóriktendirý baǵdarlamasy aıasynda salynyp otyr. Munda jetkinshekterdiń sportpen shuǵyldanyp, aýyl balalarynyń bos ýaqytyn tıimdi ótkizýine jasalǵan. Buǵan deıin Sháýildirde osy syndy úsh alańsha el ıgiligine berilgen bolatyn.




«Qazir myna jerde inilerimizdi de oınatyp, ózimiz sportpen shuǵyldana beremiz. Bul jer meniń úıime jaqyn jáne yńǵaıly maǵan. Endi bul alańshaǵa jıi kelip turamyn. Sebebi maǵan bul jer qatty unady»,- deıdi Jomart Beısenbaı esimdi oqýshy.

















Joǵary qaraı