Aýa raıy
Astana 17 °S
Almaty 23 °S
valıýta baǵamy
USD 421.58
EUR 496.83
RUB 5.53
CNY 62.20

Shardaranyń kósheleri retke keltirilip, «Tuńǵysh Prezıdent saıabaǵy» jańǵyrtylady

2020 jyldyń 18 qyrkúıek 2020 11:20

ShARDARA. QazAqparat – Túrkistan oblysy, Shardara aýdanynda kósheler retke keltirilip, «Tuńǵysh Prezıdent saıabaǵy» jańǵyrtylady. Kólik jıi júretin kóshelerdiń betine dybystyq eskertpe belgileri ornatylyp, 12 kósheniń boıyna qaýipsizdikti qamtamasyz etý baǵytyndaǵy jumystar júrgizildi, dep habarlaıdy QazAqparat tilshisi.

Aýdan ákimdiginiń uıymdastyrýymen, qala ishine uzyndyǵy 19,86 shaqyrymdy quraıtyn toǵyz kóshege joldardyń júrý bóligi men jaıaý júrginshi ótkelderin syzý sharalary júrgizildi. Sondaı-aq, jol belgilerin ornatý boıynsha qarqyndy jumystar atqarylýda. Al, jaıaý júrginshi ótkeli men onyń belgisi birneshe qoǵamdyq nysandar ornalasqan kóshe boılaryna qoıylyp jatyr. Jolda júrý bóligin aıyratyn jolaqtar shyny jaryq shaǵylystyrǵysh mıkorsferalar qosylǵan arnaıy qospa arqyly syzylýda.











Budan bólek, aýdan ortalyǵyndaǵy «Tuńǵysh Prezıdent saıabaǵynda» kúrdeli jóndeý jumystary júrgizilýde. Atap aıtqanda, saıabaq aýmaǵyndaǵy barlyq jaıaý júrginshilerge arnalǵan joldarǵa tas tóseý men qorǵandardy aýystyrý jumystary júrip jatyr. Demalys ornynyń ishinde jaryq shamdaryn ornatý jáne sýburqaqty iske qosý, balalar alańshalaryn ornalastyrý jumystary júrgizilip, kórermenderge arnalǵan jazǵy sahna jáne taǵy da basqa zamanaýı úlgidegi nysandar salynýda.


























Avtor Aınur Aqbaeva
Basty sózder: Túrkistan oblysy, Qurylys,
Joǵary qaraı