Aýa raıy
Astana 19 °S
Almaty 19 °S
valıýta baǵamy
USD 412.55
EUR 468.66
RUB 5.79
CNY 58.80

Shardarada jasóspirimder arasynda aýyr atletıkadan jarys bastaldy

2019 jyldyń 14 qarasha 2019 14:45

ShARDARA. QazAqparat – Túrkistan oblysy Shardara qalasynyń sport kesheninde aýyr atletıkadan ashyq kýboktyń ashylý saltanaty ótti. Jasóspirimder arasyndaǵy oblystyq jarys Shardara aýdanynyń qurylǵanyna 55 jyl tolýyna arnaldy, dep habarlaıdy QazAqparat tilshisi.

Atalǵan saıysqa Atyraý, Qyzylorda, Túrkistan, Jambyl oblystary men Shymkent qalasynan 138 sportshy qatysýda.

Jarystyń ashylý saltanatynda Túrkistan oblystyq dene shynyqtyrý jáne sport basqarmasynyń basshysy Polat Qyrqbaev pen Shardara aýdany ákiminiń mindetin atqarýshy Baýyrjan Shompıev sóz sóılep, dúbirli dodanyń qatysýshylaryna sáttilik tiledi.

Sondaı-aq, bıyl erekshe kózge túsken shardaralyq sportshylarǵa qurmet kórsetildi. Atap aıtqanda, aýyr atletıkadan el chempıondary jáne armrestlıngten Rýmynııada ótken Álem chempıonatynyń jeńimpazdary, grepplıngten Ázerbaıjan elinde ótken Álem chempıonatynyń chempıondary men gir kóterý sportynan Serbııa elinde ótken Álem chempıonatynyń jeńimpazdary alǵys hatpen jáne baǵaly syılyqtarmen marapattaldy.

Úsh kúnge sozylatyn jarystyń qorytyndysy aldaǵy ýaqytta belgili bolmaq.










Avtor Aınur Aqbaeva
Basty sózder: Sport, Túrkistan oblysy,
Joǵary qaraı