Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Shahtınsk turǵyny taǵy da rekord jasap, besinshi márte Gınnes kitabyna endi

2021 jyldyń 18 qazan 2021 22:54

ShAHTINSK. QazAqparat – Shahtınsk qalasynyń on toǵyz jasar turǵyny Rýslan Fatahov strıtlıftıng boıynsha bes rekord ornatyp, Gınnesstiń rekordtar kitabyna endi. Sonymen qatar, osy jazda ol qosymsha salmaqpen tartylýdan álem chempıony atandy, dep habarlaıdy QazAqparat tilshisi.

Rýslan bes jasynan bastap sportpen shuǵyldanady. Aldymen grek-rım kúresi, sodan keıin jeńil atletıka, fýtbol, basketbol, voleıbol boldy.

16 jasynda Rýslan aýyr salmaq kóterýmen aınalysa bastady.

Men bos ýaqytymdy strıtlıftıngke arnadym. Basynda bári oıdaǵydaı bolmady, biraq bul meni odan beter alǵa ıtermeledi. Men árqashan birinshi bolǵym keledi. Biraq ol úshin kóp eńbek etý kerek. Rekordtar qoıý ıdeıasy maǵan bir jarym jyl buryn keldi. 2020 jyldyń qazan aıynda men Gınnesstiń rekordtar kitabyna qosymsha salmaqpen tartylý týraly ótinish berdim. Rıýkzakpen tartylý kerek edi», – deıdi Rýslan.




Jas jigit osy nomınatsııadaǵy barlyq jeti rekordqa qol jetkizýdi úıǵardy.

Osy jyldyń sáýir aıynda ol olardy eki jattyqtyrýshynyń qatysýymen jáne foto jáne vıdeo túsirilim kómegimen tirkedi.

Beınerolıkter men qajetti qujattardy jiberip, Rýslan alty aıǵa jýyq jaýap kútti. Jaqynda ol bes rekordqa qol jetkizgenin rastaıtyn qujat keldi.

Taǵy eki sanat boıynsha nátıje áli joq.

«Osy jyldyń tamyz aıynda Kıevte (Ýkraına) strıtlıftıng jáne Workout-rekordtar boıynsha álem chempıonatyna qatystym. Qosymsha salmaǵy 32 keli bolatyn tartylýdan álem chempıony atandym. Men 2017 jyldan beri kele jatqan álemdik rekordty jańarttym», – deıdi sportshy.




Qazir Rýslan Reseıde oqıdy. Jigit bos ýaqytyn áli de turaqty jattyǵýlarǵa arnaıdy. Bolashaqta ol óz ómirin sportpen baılanystyrǵysy keledi.

«Men Workout jáne strıtlıftıng boıynsha óz sektsııamdy ashyp, adamdardy óz tájirıbemen jáne bilimimmen bólisý úshin jattyqtyrǵym keledi. Meniń oıymsha, sport ár adamnyń ómirinde bolýy kerek, kúnine kem degende 10–20 mınýt ýaqyt bólý kerek. Sondaı-aq, jańa rekordtar ornatqym keledi, múmkin tek tartylýlarda ǵana emes, basqa sport túrleri boıynsha da baǵymdy synap kórermin», – deıdi Rýslan Fatahov.











Joǵary qaraı