Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Shahtınsk mektepterine týrnıket pen dabyl túımeleri ornatylyp jatyr

2021 jyldyń 11 maýsym 2021 04:15

ShAHTINSK. QazAqparat – Shahtınsk mektepterinde ǵımarattardyń ishki jáne syrtqy kelbetin jańartý jáne aýmaqty abattandyrýmen qatar týrnıket ornatý ári metall izdegishterdi, sondaı-aq dabyl túımelerin montajdaý jumysy bastaldy, dep habarlaıdy QazAqparat tilshisi.

1 maýsymnan bastap №6 orta mektep janyndaǵy aýmaqta jumys bastaldy.

25 tamyzǵa qaraı voleıbol men basketbolǵa arnalǵan úlken alańdar, jasandy jabyny bar fýtbol alańy, tartannan jasalǵan júgirý joly, sondaı-aq balalar trenajeri bolýy tıis.

№5 mektep-gımnazııasynda jóndeý jumystary bastaldy.

Bul nysanda jumys ótken jyly bastaldy: hokkeı korty, voleıbol jáne basketbol alańdary, trenajerler jáne jasandy landshaftty shaǵyn parki bar stadıon salyndy.

Ekinshi kezeń sport zalyn jańartýdy kózdeıdi.

Sondaı-aq, qalada orta bilim uıymdarynyń ashana bloktaryn jóndeý bastaldy.

Úı-jaı tamaq daıyndaýǵa arnalǵan jańa jabdyqtarmen jáne aýany jeldetý qurylǵylarymen jabdyqtalady.

Sonymen qatar, osy jazda bilim uıymdarynyń qasbetin jaqsartý jalǵasady.

№4 jáne 9 jalpy bilim beretin mektepterdiń birinshi qabatynyń aldyńǵy beti tıisti jaǵdaıǵa keltiriledi.

«Jalpy bilim nysandaryn abattandyrýdaǵy jańa baǵyt - mektep garajdaryn jóndeý bolyp tabylady. Sondaı-aq mektep avtobýstary satyp alynady, sonyń arqasynda Shahtınsk aımaǵynyń oqýshylarynda ekskýrsııalyq jáne basqa da tegin serýenderdi júzege asyrý múmkindigi paıda bolady. Jeke garajdary joq mektepter oqýshylar saraıynyń aýmaǵynda ornalasqan garajdaryn paıdalana alady, olar da taıaýdaǵy úsh jylda jóndeledi», – dep atap ótti Shahtınsk qalasynyń bilim bóliminiń basshysy Nıkolaı Onsovıch.

№2 orta mektepte tereze aýystyrylady, altynshy mektepte akt zalyn jóndeý aıaqtalady.

Osy jazda №7 mekteptiń kirý toby abattandyrylady, sondaı-aq №3 jáne 9 mektepterdegi sý burý jáne káriz júıeleri jańartylady.

Ótken jyly №3 JBBM janynan ınklıýzıvti bilim ortalyǵy ashyldy. Bıyl ǵımarattyń ishki bóligine jóndeý jumysy júrgiziledi.

2022 jyly osy uıymnyń bazasynda psıhologııalyq-medıtsınalyq-pedagogıkalyq komıssııa ashý josparlanǵan.

«Osyndaı mekemeniń arqasynda qajetti emtıhannan ótýge jáne damýynda aýytqýlary bar (psıhıkalyq nemese fızıkalyq turǵydan), sondaı-aq minez-qulyq problemalary bar balalarǵa oqý protsesin túzetýge bolady. Jańa oqý jylynyń basynda ınklıýzıvti bilim berýdi damytý boıynsha úsh jańa resýrstyq ortalyq óz esigin ashady: Shahan kentiniń №2 JBBM, Novodolınskıı kentiniń №11 JBBM jáne Shahtınsk qalasynyń №7 JBBM. Uzaq merzimdi josparda biz óńirdegi barlyq 12 mektepte ınklıýzıvti ortalyqtar ashqymyz keledi», – dep tolyqtyrdy Nıkolaı Onsovıch.

Sonymen qatar, Shahtınsk qalasynyń mektepke deıingi mekemelerinde aǵymdaǵy nemese kosmetıkalyq jóndeý júrgizilip jatyr.











Joǵary qaraı