Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Serikqalı Brekeshev jumbaq jaǵdaıda qaza tapqan ınspektordyń ólimine pikir bildirdi

2021 jyldyń 21 jeltoqsan 2021 17:44

NUR-SULTAN. QazAqparat – QR Ekologııa, geologııa jáne tabıǵı resýrstar mınıstri Serikqalı Brekeshev Batys Qazaqstan oblysy orman sharýashylyǵy jáne janýarlar dúnıesi aýmaqtyq ınspektsııasynyń bólim basshysy Serik Májenovtiń ólimine qatysty pikir bildirdi, dep habarlaıdy QazAqparat tilshisi.

«Polıtsııa taratqan nusqa boıynsha marqum Serik Májenov ań aýlap júrip qaıtys bolǵan. Úsh adam bolǵan. Sonyń biri ınspektor dep otyr. Biraq marqumnyń otbasy qaıǵyly oqıǵa reıd kezinde bolǵanyn aıtyp otyr. Tipti ony reıdke attanǵany týraly qaǵaz da bar eken. Aýmaqtyq ınspektsııanyń basqa qyzmetkerleri de polıtsııa usynǵan nusqaǵa senbeıtinin aıtty. Olar qaıǵyly oqıǵa brakonerlerdi ustaý kezinde bolǵan dep topshylaıdy. Eger polıtsııa aıtqandaı, ań aýlap júrgen bolsa, qasyndaǵy eki adam kim? Ol jerde shyn máninde ne bolǵan? Sizde qandaı aqparat bar?», - dep surady búgin mınıstrden BAQ ókili.

Mınıstr tergeý amaldary aıaqtalǵan kezde ǵana naqty shyndyq belgili bolatynyn aıtty.

«Ókinishke qaraı, osyndaı jaǵdaı boldy. Osy sátti paıdalanyp, qaıtys bolǵan áriptestimizdiń otbasyna mınıstrliktiń atynan taǵy da kóńil aıtqym keledi. Bastapqy nusqa boıynsha, bul - kezdeısoq oryn alǵan qaıǵyly oqıǵa. Qazir tıisti organdar tergeý sharalaryn júrgizip jatyr. Búgingi tańda bizde ázirge tolyq senimdi aqparat joq. Tergeý qorytyndysynyń aıaqtalǵanyn kútemiz», - dedi Serikqalı Brekeshev.


Joǵary qaraı