Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Serik Sápıev qyzmetinen ketti

2021 jyldyń 19 qazan 2021 16:44

NUR-SULTAN. QazAqparat – Tanymal boksshy, Olımpıada chemıony Serik Sápıev QR Mádenıet jáne sport mınıstrligi sport jáne dene shynyqtyrý isteri komıtetiniń tóraǵasy laýazymynan bosatyldy, dep habarlaıdy QazAqparat tilshisi.

Bul habardy Sport jáne dene shynyqtyrý isteri komıtetiniń baspasóz qyzmeti rastady.

Komıtettiń aıtýynsha, Serik Sápıev óz erkimen jumystan ketken.

Aıta keteıik, jazda ótken Tokıo Olımpıada oıyndarynda qazaqstandyq boksshylar joǵary nátıje kórsete almaǵan edi.

«Basqa boksshylardyń da nátıjesi máz emes, keıbir sportshylar tıisti deńgeıdegi daıyndyqpen kelmedi. Jalpy boksshylar Olımpıadada «altyn» almaǵandyqtan kórsetkish nashar dep esepteımin», - dep baǵalady Serik Sápıev.

Serik Jumanǵalıuly Qaraǵandy oblysy Abaı qalasynda 1983 jylǵy 16 qarashada dúnıege kelgen.

2002-2004 jyldary - Qazaqstan Respýblıkasynyń Qarýly kúshter qatarynda boryshyn oryndaǵan.

2003-2009 jyldary - E.A.Býketov atyndaǵy Qaraǵandy Memlekettik ýnıversıtetinde dene shynyqtyrý oqytýshysy jáne quqyqtaný mamandyqtary boıynsha bilim alǵan.

2011-2014 jyldary - taý-ken isteriniń bakalavri mamandyǵy boıynsha QarMTÝ-in bitirgen. 2014-2016 jyldary - Qazaq sport jáne týrızım akademııasynyń akademııalyq pedagogıka ǵylymynyń magıstri dárejesin alǵan. 2014 jyly - «Bolashaq» baǵdarlamasy boıynsha sport menedjeri mamandyǵyn alǵan.

2004-2014 jyldary - kelisimshart boıynsha merzimnen tys áskerı qyzmette bolǵan. 2010-2012 jyldary - «Qazaqstannyń boks federatsııasy» FA OıÝL jattyqtyrýshy-oqytýshy qyzmetin atqarǵan.

2013-2014 jyldary - «Qazaqstannyń boks federatsııasy» FA OıÝL sport jónindegi dırektory, 2005-2013 jyldary boks jónindegi Qazaqstan Respýblıkasynyń ulttyq komandasynyń shtattynda nusqaýshy-sportshy, 2014-2017 jyldary - JShS «Astana Arlans» KSK bas dırektory bolǵan.

2017-2019 jyldary VI saılanǵan QR Parlamenti Májilisiniń depýtaty, Áleýmettik-mádenı damý komıtetiniń múshesi, «Nur Otan» partııasynyń Qazaqstan Respýblıkasy Parlamenti Májilisindegi fraktsııasynyń múshesi bolǵan.

2019 jyly QR Mádenıet jáne sport mınıstrligi sport jáne dene shynyqtyrý komıtetiniń tóraǵasy bolyp taǵaıyndalǵan edi.

Joǵary qaraı