Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Senattaǵy «Óńir» depýtattyq tobynyń otyrysynda qandaı máseleler talqylandy

2021 jyldyń 22 qazan 2021 14:33

NUR-SULTAN. QazAqparat - Búgin Senatta jańartylǵan quramdaǵy «Óńir» depýtattyq tobynyń otyrysy ótti. Atalǵan toptyń jumysyndaǵy negizgi baǵyttardyń biri – Qazaqstannyń óńirlerin damytýǵa qatysty usynystar ázirleý, dep habarlaıdy QazAqparat.

Otyrysty ashqan Senat tóraǵasy Máýlen Áshimbaev Memleket basshysy óńirlerdi damytýǵa basa mán berip otyrǵanyn, soǵan baılanysty depýtattardyń aldynda mańyzdy mindetter turǵanyn aıtty.

«Memleket basshysy óńirlik saıasatty jetildirýge, olardyń áleýetin jáne básekege qabilettiligin arttyrýǵa basa mán berip otyr. Taıaýda ǵana Prezıdentimiz Ulttyq jobalar tizbesin bekitip, Úkimetke naqty mindetter júktedi. Ulttyq jobalardyń biri «Qýatty óńirler – el damýynyń draıveri» dep atalady. Osy oraıda depýtattyq top ózine berilgen ókilettikter aıasynda Prezıdent tapsyrmalarynyń iske asyrylý barysyna baqylaý júrgize alatynyn atap ótken jón. Sondaı-aq osy salada zańnamalyq usynystar ázirleý múmkindigin de paıdalanǵan jón», – dedi M. Áshimbaev.

Senat tóraǵasy Memleket basshysy bıylǵy Joldaýynda aıtqan óńirlik damýǵa qatysty basymdyqtarǵa da toqtalyp ótti.




Atap aıtqanda, M. Áshimbaev barlyq deńgeıdegi ákimderdiń jumysyn baǵalaý tetikterin ońtaılandyrý máselesine nazar aýdardy. Ol senatorlar jergilikti jerlerdegi tájirıbelerine súıene otyryp, azamattar men bılik ókilderi arasyndaǵy salıqaly qarym-qatynasty nyǵaıtýǵa óz úlesin qosa alatynyn aıtty.

Senat baspasóz qyzmetiniń málimetinshe, is-sharaǵa qatysýshylar óńirlerdi damytý máselesi Senat jumysyndaǵy negizgi basymdyqtardyń biri ekenine toqtaldy. Sol sebepti, senatorlar bul máseleni jan-jaqty talqylap, oǵan únemi erekshe kóńil bólip keledi. Máýlen Áshimbaev aldaǵy ýaqytta da Senat tarapynan bul baǵyttaǵy jumystar jalǵasatynyn aıtty.




«Jyl sońyna deıin aýyl sharýashylyǵyn damytýdyń ózekti problemalary men perspektıvalary boıynsha parlamenttik tyńdaý ótkizemiz. Kelesi jyldyń birinshi toqsanynda bıýdjetaralyq qatynastardy jetildirý máseleleri boıynsha úkimet saǵatyn ótkizý josparlanǵan. Onda óńirlerdiń áleýmettik-ekonomıkalyq damýyndaǵy teńsizdikterdi azaıtý máseleleri qaralady. Osy oraıda depýtattyq toptyń qyzmetin jańǵyrtý atalǵan problemalardy talqylaýǵa jáne zań shyǵarý salasynda konstrýktıvti usynystar ázirleýge tyń serpin beredi dep senemiz», – dedi Máýlen Áshimbaev.




Munymen qosa, depýtattyq toptyń otyrysynda óńirlik damýǵa qatysty birqatar ózekti másele kóterildi. Atap aıtqanda, aýyl halqyn sapaly taza aýyz sýmen qamtamasyz etý, olardyń ınfraqurylymdyq damýyna jaǵdaı jasaý, azamattardyń elimizdegi eńbek kúshi kóp aımaqtardan eńbek kúshi tapshy óńirlerge kóshýi jáne taǵy basqa mańyzdy máseleler talqylandy.





Joǵary qaraı