Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Senatta raqymshylyq týraly zań jobasy qaralady

2021 jyldyń 29 qarasha 2021 16:22

NUR-SULTAN. QazAqparat - Palata tóraǵasy Máýlen Áshimbaevtyń tóraǵalyq etýimen Bıýro otyrysy boldy. Onda depýtattar Senattyń aldaǵy otyrysynda qaraýǵa usynylǵan máselelerdi bekitti, dep habarlaıdy QazAqparat Senattyń baspasóz qyzmetine silteme jasap.

Senat otyrysynyń kún tártibine «Qazaqstan Respýblıkasy Táýelsizdiginiń otyz jyldyǵyna baılanysty raqymshylyq jasaý týraly» zań jobasy engizildi. Zań jobasy adamgershiliktiń qylmystyq-quqyqtyq sıpattaǵy bir jolǵy aktisi retinde ázirlendi. Qujat azamattar men memlekettiń qaýipsizdigine eleýli qater tóndirmeıtin qylmystar jasaǵan adamdardy qylmystyq jaýaptylyqtan bosatýǵa baǵyttalǵan. Qaýipti, aýyr nemese asa aýyr, sondaı-aq terrorıstik jáne ekstremıstik qylmystar jasaǵan adamdarǵa raqymshylyq jasalmaıdy.

Otyrystyń kún tártibine kórneki aqparatty resimdeý, ornalastyrý rásimderin jetildirýge, dinı birlestikterdi qurý jáne tirkeý tártibin ońaılatýǵa, sondaı-aq konfessııaaralyq ózara is-qımylǵa qolaıly jaǵdaılar jasaýǵa arnalǵan «Qazaqstan Respýblıkasynyń keıbir zańnamalyq aktilerine kórneki aqparat jáne dinı qyzmet máseleleri boıynsha ózgerister men tolyqtyrýlar engizý týraly» zań jobasy da qaraýǵa engiziletin boldy.

Bıýro otyrysynda sondaı-aq Májilisten buryn kelip túsken zań jobalary odan ári jumys isteý úshin Senat komıtetterine bólinip berildi.


Joǵary qaraı