Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Senatta Qazaqstan men Reseıdiń mıneraldy tyńaıtqysh zaýytyn salý kelisimi talqylandy

2021 jyldyń 30 qarasha 2021 17:24

NUR-SULTAN. QazAqparat - Senatta Qazaqstan men Reseı arasyndaǵy mıneraldy tyńaıtqyshtar zaýytyn salý týraly kelisim talqylandy, dep habarlaıdy QazAqparat.

Senattyń Ekonomıkalyq saıasat, ınnovatsııalyq damý jáne kásipkerlik komıtetiniń depýtattary keńeıtilgen otyrysta «Qazaqstan Respýblıkasynyń Úkimeti men Reseı Federatsııasynyń Úkimeti arasyndaǵy «Mıneraldyq tyńaıtqyshtar shyǵarý zaýytyn salý jáne paıdalaný» jobasyn iske asyrý týraly kelisimdi ratıfıkatsııalaý týraly» jobasyn iske asyrý týraly kelisimdi ratıfıkatsııalaý týraly» zań jobasyn talqylady.

Kelisim aıasynda Jambyl oblysynda qýaty jylyna keminde bir mıllıon tonna mıneraldyq tyńaıtqyshtar men ilespe ındýstrııalyq ónimder shyǵaratyn zaýyt salý kózdelip otyr.

Bul rette paıdalaný kezeńinde hımııa kesheni bóliginde jáne aralas salalarda zaýyt 1 200 jumys ornyn qamtamasyz etýge múmkindik beredi.




Investor tarapynan ınvestıtsııanyń jalpy somasy 1 mıllıard AQSh dollarynan asatyn bolady.

Komıtet músheleri otyrys qorytyndysy boıynsha zań jobasyn palatanyń qaraýyna berý týraly sheshim qabyldady.

Senatta sonymen qatar kórneki aqparat jáne dinı qyzmet týraly zań jobasy qaraldy.

Senattyń Áleýmettik-mádenı damý jáne ǵylym komıtetiniń keńeıtilgen otyrysynda depýtattar kórneki aqparat jáne dinı qyzmet máseleleri jónindegi zań jobasyn talqylady.

Onda «Qazaqstan Respýblıkasyndaǵy til týraly» Zańǵa derektemeler men kórneki aqparat mátinderin jazý tártibin naqtylaý kózdelip otyr.

«Dinı qyzmet jáne dinı birlestikter týraly» Zańǵa dinı is-sharalardy ótkizý men jergilikti dinı birlestikterdi qurý tártibin ońaılatatyn túzetý engiziledi.








Basty sózder: Senat, Parlament, Zań, Reseı, Ónerkásip,
Joǵary qaraı