Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Senatta Balqashtyń problemalary kóterildi

2021 jyldyń 2 jeltoqsan 2021 12:26

NUR-SULTAN. QazAqparat - Senator Rysqalı Ábdikerov elimizdiń Premer-Mınıstri Asqar Mamınniń atyna joldaǵan depýtattyq saýalynda Balqash kóliniń taıazdaný problemasyn kóterdi, dep habarlaıdy QazAqparat tilshisi.

Senatordyń aıtýynsha, kóldiń negizgi salasy – Іle ózeni. Ol rezervýarǵa sý kóleminiń 70% deıin ákeledi. Alaıda, ózenniń qalypty aǵý jyldamdyǵy sekýndyna 400-500 tekshe metrdi quraýy tıis bolsa, qazir bul kórsetkish sekýndyna 306 tekshe metrdi quraıdy.

Munyń múmkin sebepteriniń biri – kórshi memleket aýmaǵyndaǵy ózenniń joǵary aǵysynda rettelýi. Sonymen qatar, senator Balqash kóliniń jaǵdaıyna jaýap beretin memlekettik organdardyń jumysynda birizdiliktiń joqtyǵyn atap ótti.

Sońǵy 14 jylda kóldi zertteý boıynsha keshendi zertteýler is júzinde júrgizilmegen. Sondyqtan kóldegi sý deńgeıiniń ózgerýi týraly statıstıka joq. Senatordyń pikirinshe, jumystaǵy mundaı tásil bolashaqta ekologııalyq apatqa ákelýi múmkin.

«Іle ózenin utymdy paıdalanýǵa qatysty Kelisimdi elimiz múddesine saı keletindeı etip odan ári pysyqtaýdy, Balqash kólin keleshek úshin saqtaý boıynsha naqtylanǵan arnaıy jospar ázirleýdi, Іle ózeni arqyly kólge quıylatyn sý mólsherin arttyryp, únemdeý úshin ózenge salynǵan gıdromelıoratıvtik júıelerdi qaıta jańartýdy suraımyz»,- dedi depýtat Senattyń jalpy otyrysynda.


Joǵary qaraı