Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Senatorlardyń bastamasymen 16 zań jobasy ázirlenedi - Máýlen Áshimbaev

2021 jyldyń 20 qyrkúıek 2021 17:01

NUR-SULTAN. QazAqparat - Senat Spıkeri Máýlen Áshimbaevtyń tóraǵalyǵymen Palata Bıýrosynyń otyrysy ótti. Onda depýtattar 2021 jylǵy 23 qyrkúıek kúni ótetin Senat otyrysynyń kún tártibin bekitti, dep habarlaıdy QazAqparat.

«Soǵan sáıkes aldaǵy Senat otyrysynda «Kaspıı teńiziniń teńiz ortasyn qorǵaý jónindegi negizdemelik konventsııaǵa qorshaǵan ortaǵa transshekaralyq turǵydan jasalatyn áserdi baǵalaý jónindegi hattamany ratıfıkatsııalaý týraly» zań jobasy qaralady. Atalǵan Hattamany ratıfıkatsııalaý qorshaǵan ortaǵa transshekaralyq turǵydan jasalatyn áserdi baǵalaý jónindegi hattamanyń erejelerin oryndaý úshin zańnamalyq, ákimshilik nemese basqa da sharalar qabyldaýǵa múmkindik beredi. Bul teńiz ortasy men qurlyqtyń lastanýyn boldyrmaý, azaıtý jáne baqylaý turǵysynan mańyzdy. Mundaı qadam teńizdiń bıoalýantúrliligin saqtaýǵa, onyń tabıǵı resýrstaryn utymdy paıdalanýǵa jáne adam densaýlyǵyn qorǵaýǵa yqpal etedi», - jelingen Senat baspasóz qyzmetiniń málimetinde.

Sonymen qatar aldaǵy beısenbide senatorlar «Qazaqstan Respýblıkasynyń keıbir zańnamalyq aktilerine azamattardyń jekelegen sanattaryn áleýmettik qorǵaý máseleleri boıynsha ózgerister men tolyqtyrýlar engizý týraly» zań jobasyn ekinshi oqylymda qaraıdy.

Odan bólek, Bıýro otyrysynda Palata komıtetteriniń tóraǵalary senatorlardyń zań jobalaryna bastamashylyq jasaýyna qatysty atqarylyp jatqan jumystar jóninde esep berdi.

«Ótken sessııada Senat depýtattary belsendilik tanytyp, 7 zań jobasyna bastamashylyq jasady. Jańa sessııada bul jumystyń qarqyny ulǵaıa túspek. Osy sessııada senatorlar 16 zań jobasy boıynsha bastamashylyq jumysty bastap ketti. Memleket basshysynyń tapsyrmasyna sáıkes, adam quqyqtary jónindegi ýákil týraly zań jobasy men oǵan ilespe zań jobalaryn, Salyq kodeksine ózgerister men tolyqtyrýlar engizý týraly jáne ǵylym máseleleri jónindegi zań jobalaryn jyl sońyna deıin qabyldaýymyz kerek», – dedi Máýlen Áshimbaev.

Senatorlardyń bastamashyl bolýymen daıyndalatyn normalardyń qatarynda múgedektigi bar azamattardyń ómir súrý sapasyn jaqsartý máseleleri týraly zań jobasyn da atap ótken jón. Sol arqyly múgedekti bar bala tárbıelep otyrǵan otbasylardyń erekshe mártebesin zańmen bekitý jáne olardyń turǵyn úı jaǵdaıyn jaqsartý múmkindikterin keńeıtý kózdelip otyr. Memleket basshysynyń tapsyrmasy boıynsha jaıylym jerlerdi paıdalaný máseleleri týraly bastamashylyq zań jobasy jaıylym tapshylyǵyna baılanysty qalyptasqan jaǵdaıdy jaqsartýǵa jáne aýyl sharýashylyǵynyń ózekti problemalaryn sheshýge arnalady. Sonymen birge, senatorlar organıkalyq ónim óndirý jáne onyń aınalymy, esirtki quraldary men jańa sıntetıkalyq zattardyń zańsyz aınalymyna qarsy kúresti kúsheıtý jáne taǵy basqa mańyzdy máseleler boıynsha zań jobalaryn ázirlep jatyr.

Otyrys barysynda senatorlar bastamashylyq etetin zań jobalarynyń bári halyqty tolǵandyrǵan mańyzdy máselelerdi sheshýge jáne zańnamadaǵy keıbir olqylyqtardy jetildirýge arnalǵan elimiz ben qoǵamymyz úshin qajetti normalar ekeni aıtyldy.

Sondaı-aq, Senat Bıýrosynyń músheleri TMD-nyń Parlamentaralyq Assambleıasyndaǵy Qazaqstan Parlamentiniń ókiletti ókili laýazymyna Igor Musalımovtyń kandıdatýrasyn qarap, bekitti.


Avtor Rýslan Ǵabbasov
Basty sózder: Parlament, Senat,
Joǵary qaraı