Aýa raıy
Astana -8 °S
Almaty -9 °S
valıýta baǵamy
USD 421.58
EUR 496.83
RUB 5.53
CNY 62.20

Senatorlar jańartylatyn energııa kózderi jáne elektr energetıkasy týraly zań jobasyn qaraıdy

2020 jyldyń 23 qarasha 2020 12:05

NUR-SULTAN. QazAqparat - Senat tóraǵasy Máýlen Áshimbaevtyń tóraǵalyǵymen Bıýro otyrysy bolyp, onda depýtattar Senattyń aldaǵy otyrysynyń kún tártibin talqylady jáne Májilisten kelip túsken zań jobalaryn komıtetterge bólip berdi, dep habarlaıdy QazAqparat.

Senattyń kezekti otyrysy 2020 jylǵy 26 qarashada ótetin boldy. Depýtattar Májilis maquldaǵan «Eýrazııalyq ekonomıkalyq odaqqa múshe memleketterdiń eńbekshilerin zeınetaqymen qamsyzdandyrý týraly kelisimdi ratıfıkatsııalaý týraly» jáne «Qazaqstan Respýblıkasynyń keıbir zańnamalyq aktilerine jańartylatyn energııa kózderin paıdalanýdy qoldaý jáne elektr energetıkasy máseleleri boıynsha ózgerister men tolyqtyrýlar engizý týraly» zań jobalaryn qaraıdy.

Sonymen qatar Májilisten kelip túsken zań jobalaryn bólý barysynda Senattyń Agrarlyq máseleler, tabıǵatty paıdalaný jáne aýyldyq aýmaqtardy damytý komıtetine birqatar zań jobasy berildi. Atap aıtqanda, olar QR Ekologııalyq kodeksiniń jobasy, «Qazaqstan Respýblıkasynyń keıbir zańnamalyq aktilerine ekologııa máseleleri boıynsha ózgerister men tolyqtyrýlar engizý týraly», «Qazaqstan Respýblıkasynyń Ákimshilik quqyq buzýshylyq týraly kodeksine ekologııa máseleleri boıynsha ózgerister men tolyqtyrýlar engizý týraly», sondaı-aq «Salyq jáne bıýdjetke tólenetin basqa da mindetti tólemder týraly» Qazaqstan Respýblıkasynyń Kodeksine (Salyq kodeksi) jáne «Salyq jáne bıýdjetke tólenetin basqa da mindetti tólemder týraly» Qazaqstan Respýblıkasynyń Kodeksin (Salyq kodeksi) qoldanysqa engizý týraly» Qazaqstan Respýblıkasynyń Zańyna ekologııa máseleleri boıynsha ózgerister men tolyqtyrýlar engizý týraly» Qazaqstan Respýblıkasynyń Zańy bolyp otyr.

Áleýmettik-mádenı damý jáne ǵylym komıteti «Qazaqstan Respýblıkasynyń keıbir zańnamalyq aktilerine qoǵamdyq keńesterdiń qyzmeti máseleleri boıynsha ózgerister men tolyqtyrýlar engizý týraly» jáne «Qazaqstan Respýblıkasynyń keıbir zańnamalyq aktilerine bilim berý máseleleri boıynsha ózgerister men tolyqtyrýlar engizý týraly» zań jobalary boıynsha qorytyndy daıyndaıtyn boldy.

Qarjy jáne bıýdjet komıteti «Qazaqstan Respýblıkasynyń Bıýdjet kodeksine ózgerister men tolyqtyrýlar engizý týraly» zań jobasy boıynsha bas komıtet bolyp belgilendi.

Konstıtýtsııalyq zańnama, sot júıesi jáne quqyq qorǵaý organdary komıteti «Qazaqstan Respýblıkasynyń keıbir zańnamalyq aktilerine adamdardy Qazaqstan Respýblıkasynyń sheginen tys jerge shyǵaryp jiberý kezinde ustaý merzimderin retteý máseleleri boıynsha ózgerister men tolyqtyrýlar engizý týraly» jáne «Qazaqstan Respýblıkasynyń keıbir zańnamalyq aktilerine kúzet qyzmeti máseleleri boıynsha ózgerister men tolyqtyrýlar engizý týraly» zań jobalaryn pysyqtaýmen aınalysady.

Senatorlar bıýroda sondaı-aq 2020 jylǵy 4 jeltoqsanda «Jańa jaǵdaıdaǵy ekonomıkalyq damý: Qazaqstanda shaǵyn, orta kásipkerlikti damytý men qoldaý salasyndaǵy memlekettik saıasatty jáne quqyqtyq retteýdi jetildirý» taqyrybymen ótetin parlamenttik tyńdaýdy daıyndaý jáne ótkizý máselesin de talqylady. Parlamenttik tyńdaý ótkizýdi uıymdastyrý Parlament Senatynyń Ekonomıkalyq saıasat, ınnovatsııalyq damý jáne kásipkerlik komıtetine júkteldi. Senat komıteti men Apparatyna tyńdaýlardy daıyndaý jáne ótkizý jóninde tıisti tapsyrmalar berildi.


Basty sózder: Parlament, Senat, Energetıka,
Joǵary qaraı