Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Senatorlar polıtsııanyń servıstik modelin keńeıtý máselelerin talqylady

2021 jyldyń 15 qazan 2021 18:03

NUR-SULTAN. QazAqparat - Senattyń Konstıtýtsııalyq zańnama, sot júıesi jáne quqyq qorǵaý organdary komıtetiniń depýtattary Іshki ister mınıstrligine baryp, polıtsııanyń servıstik modelin keńeıtý máseleleri boıynsha kezdesý ótkizdi, dep habarlaıdy joǵary palatanyń baspasóz qyzmeti.

Іs-sharaǵa Prezıdent Ákimshiliginiń ókili Alekseı Kalaıchıdı, ІІM basshylyǵy, onlaın-rejımde máslıhat hatshylary, óńirlerdegi polıtsııa departamentteriniń basshylary jáne oblystar men Nur-Sultan, Almaty, Shymkent qalalary ákimderiniń orynbasarlary qatysty.

Kezdesýdi ashqan atalǵan Komıtettiń tóraǵasy Vladımır Volkov bul is-shara ishki ister organdaryn reformalaý aıasynda júrgizilgen birlesken jumystardyń laıyqty jalǵasy ekenin aıtty. Kelesi qadam – polıtsııanyń servıstik modelin keńeıtý. Memleket basshysy Qasym-Jomart Toqaev Qazaqstan halqyna Joldaýynda dál osyndaı mindet júktedi.




Sondaı-aq, senatorlar men kezdesýge qatysýshylar ishki ister organdary júıesin reformalaý boıynsha qabyldanǵan sharalarǵa toqtalyp ótti. Bul –salaǵa qatysy joq birqatar qyzmetten bosatý, ýchaskelik ınspektorlardyń mártebesin arttyrý, olardyń tehnıkalyq jaraqtandyrylýyn jaqsartý jáne taǵy basqalary. Sonymen birge depýtattar osy saladaǵy ózekti máselelerge de nazar aýdardy.

«Ýchaskelik ınspektorlar men olardyń kómekshileriniń qyzmetin shtattyq turǵydan nyǵaıtýdyń mańyzy zor. Іshki ister mınıstrliginiń tıisti normasyna saı bolý úshin áli 3 myńǵa jýyq ýchaskelik ınspektor qajet ekenin bilemiz. Bul olqylyqtyń ornyn ishki rezervterdi qaıta bólý arqyly toltyrýǵa bolady. Alaıda, jergilikti atqarýshy organdar men máslıhattar tarapynan qarjylaı kómek qajet» , – dedi Vladımır Volkov.




Odan bólek, depýtattar jańa ýchaskelik polıtsııa pýnkterin salý qajettigin de tilge tıek etti. Bul «qoljetimdi polıtsııa» qaǵıdatyn qamtamasyz etý úshin mańyzdy. Senatorlar bul iste keıbir oblystarda oń nátıjelerdiń bar ekenin aıtyp, jetildiretin tustardyń da az emesine kóńil bóldi. Taıaýda ashylýǵa tıis 78 ýchaskelik polıtsııa pýnktiniń 27-si ǵana jumys istep tur. Osyǵan baılanysty senatorlar máslıhattar men ákimdikterdi atalǵan baǵytta belsendilik tanytýǵa shaqyrdy.




Kezdesý barysynda Іshki ister mınıstri Erlan Turǵymbaev sóz sóıledi. Ol vedomstvonyń polıtsııanyń servıstik modelin keńeıtý boıynsha atqarǵan jumysy týraly aıtyp berdi.





Basty sózder: Senat, Parlament,
Joǵary qaraı