Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Senatorlar kedendik ákimshilendirý máselelerin talqylady

2021 jyldyń 24 qyrkúıek 2021 21:59

NUR-SULTAN. QazAqparat – QR Parlamenti Senatynyń Qarjy jáne bıýdjet komıtetiniń depýtattary Almaty oblysynda kóshpeli otyrys ótkizdi, dep habarlaıdy QazAqparat Senattyń baspasóz qyzmetine silteme jasap.

Onda aqparattyq júıe arqyly memlekettik qyzmetter kórsetýge, keden isi salasyndaǵy elektrondyq súıemeldeýge jáne ony ákimshilendirýdi jetildirýge qatysty máseleler talqylandy.

Senat komıtetiniń tóraǵasy Olga Perepechına kedendik jáne salyqtyq ákimshilendirýdi jetildirý otandyq kásipkerlikti damytý úshin mańyzy zor ekenin atap ótti.

«Respýblıkalyq bıýdjet pen respýblıkalyq bıýdjettiń atqarylýy týraly esepterdi qaraý kezinde syrtqy ekonomıkalyq qyzmet, kedendik ákimshilendirýdi jetildirý, sondaı-aq salyqtyq ákimshilendirý mańyzdy ári ótkir máselelerdiń biri bolyp tabylady», - dedi Olga Perepechına.




Qarjy mınıstriniń orynbasary Marat Sultanǵazıev kóshpeli otyrysqa qatysýshylarǵa kedendik elektrondyq deklaratsııalaý týraly aıtyp berdi. Ol pandemııa kezinde keden qyzmetterin qashyqtan usyný 100% júzege asqanyn aıtty. Degenmen mınıstrdiń orynbasary kedendik ákimshilendirýdi tolyq jetildirý úshin barlyq protsesterdi keń aýqymda odan ári tsıfrlandyrý qajet dep sanaıdy.

Senator Olga Perepechına otyrysty qorytyndylaı kelip, usynylǵan materıaldardy taldaý negizinde Komıtet ýákiletti memlekettik organdarǵa jiberiletin qosymsha usynymdar ázirleıtinin atap ótti.








Basty sózder: Senat, Keden, Parlament,
Joǵary qaraı