Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Senatorlar Kaspıı teńiziniń bıoalýandyǵyn saqtaý jónindegi zań jobasyn qaraıdy

2021 jyldyń 11 qazan 2021 14:36

NUR-SULTAN. QazAqparat - Senat Spıkeri Máýlen Áshimbaevtyń tóraǵalyǵymen Palata bıýrosynyń otyrysy ótti. Onda depýtattar 2021 jylǵy 14 qazanda ótetin Senat otyrysynyń kún tártibin bekitti, dep habarlaıdy QazAqparat.

Senat baspasóz qyzmetiniń málimetinshe, aldaǵy Palata otyrysynda senatorlar «Kaspıı teńiziniń teńiz ortasyn qorǵaý jónindegi negizdemelik konventsııaǵa bıologııalyq ártúrlilikti saqtaý týraly hattamany ratıfıkatsııalaý týraly» zań jobasyn qaraıdy.

Bul Hattamany ratıfıkatsııalaý bıologııalyq resýrstardy turaqty paıdalanýǵa, memleketterdiń Kaspıı teńiziniń teńiz ortasyn qorǵaýdyń jedel jáne tıimdi sharalaryn iske asyrý boıynsha kópjaqty yntymaqtastyǵyna yqpal etýge ári osy baǵyttaǵy ulttyq zańnamalardy jetildirýge múmkindik beredi.

Sonymen qatar Bıýro otyrysynda buǵan deıin Májilisten kelip túsken «Qazaqstan Respýblıkasynyń keıbir zańnamalyq aktilerine kórneki aqparat jáne dinı qyzmet máseleleri boıynsha ózgerister men tolyqtyrýlar engizý týraly» zań jobasy jumys úshin Áleýmettik-mádenı damý jáne ǵylym komıtetine berildi.


Avtor Rýslan Ǵabbasov
Basty sózder: Senat, Kaspıı,
Joǵary qaraı