Aýa raıy
Astana -11 °S
Almaty 0 °S
valıýta baǵamy
USD 421.58
EUR 496.83
RUB 5.53
CNY 62.20

Senatorlar azamattardyń óndiristik kásiporyndardaǵy qaýipsizdigine alańdaýly

2020 jyldyń 30 qazan 2020 14:11

NUR-SULTAN. QazAqparat - Senatta Asqar Shákirovtiń tóraǵalyq etýimen Halyqaralyq qatynastar, qorǵanys jáne qaýipsizdik komıtetiniń otyrysy boldy. Onda Qaraǵandy oblysyndaǵy aımaqtyq azamattyq qorǵanys júıesiniń máseleleri talqylandy, dep habarlaıdy QazAqparat.

Senat baspasóz qyzmetiniń málimetinshe, onlaın rejımde ótken kezdesýge Tótenshe jaǵdaılar mınıstri ıÝrıı Ilın men Qaraǵandy oblysynyń ákimi Jeńis Qasymbek qatysty.

Depýtattarǵa Qaraǵandy oblysyndaǵy 394 zaýyttaǵy 36 862 qaýipti óndiriste paıdalanylyp otyrǵan ónerkásip qaýipsizdigi men tehnıkalyq qurylǵylardyń jaǵdaıy udaıy qadaǵalaýda ekeni aıtyldy. Tótenshe jaǵdaılar departamenti 2020 jyldyń 8 aıynda 132 tekserý júrgizip, óndiristik qaýipsizdik erejelerin buzý faktileri anyqtaldy.

Bıylǵy jyly elimizde 8919 tótenshe jaǵdaı boldy jáne onda 15 myńnan astam adam zardap shekti. Sarapshylardyń pikiri boıynsha 7 797 tótenshe jaǵdaı tehnogendik sıpattaǵy óndiristik apattar, órtter men jarylystar bolyp otyr.





Asqar Shákirov tehnogendik jáne tabıǵı apattarǵa qarsy is-qımyl – bul eldiń turaqty damýy men azamattardyń qaýipsizdigine baǵyttalǵan memlekettik saıasattyń mańyzdy strategııalyq bóligi ekenin atap ótti.

«Tótenshe jaǵdaılardyń aldyn alý jáne saldaryn joıý jónindegi is-sharalardy josparlaý tásilin qaıta qaraý qajet. Ol osy problemalarǵa naqty taldaý jasaýǵa, jaǵdaıdyń damýyn boljaýǵa jáne alda turǵan mindetterdi keshendi sheshýge negizdelýi kerek», - dedi Senat tóraǵasynyń orynbasary.

Kezdesý qorytyndysy boıynsha Senattyń Halyqaralyq qatynastar, qorǵanys jáne qaýipsizdik komıtetiniń tóraǵasy Muhtar Qul-Muhammed Memleket basshysy Qasym-Jomart Toqaev óz Joldaýynda barlyq azamattardyń ózin-ózi damytýǵa umtylý qajettigin atap ótkenin eske saldy, óıtkeni ýaqyt talaby bizdi únemi damýǵa, jetildirýge ári kúsheıe túsýge yqpal etedi.











Joǵary qaraı