Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Senatorlar aldaǵy palata otyrysynda qandaı máselelerdi qaraıdy

2022 jyldyń 17 qańtar 2022 12:41

NUR-SULTAN. QazAqparat –Senat spıkeri Máýlen Áshimbaevtyń tóraǵalyǵymen palata bıýrosynyń otyrysy ótti. Onda 20 qańtarda ótetin Senat otyrysynyń kún tártibi bekitildi, dep habarlaıdy QazAqparat tilshisi.

Aldaǵy palata otyrysynda depýtattar Memleket basshysynyń Jarlyǵymen senator bolyp taǵaıyndalǵan Beıbit Isabaevty Senattyń turaqty komıtetiniń quramyna saılaý máselesin qaraıdy.

Sonymen qatar Senat otyrysynda «Zattar men materıaldardyń quramy men qasıetteriniń standartty úlgilerin jasaý jáne qoldaný jónindegi yntymaqtastyq týraly kelisimdi ratıfıkatsııalaý týraly» zań jobasy qaralady.

Bul kelisim saýda-ekonomıkalyq, ǵylymı-tehnıkalyq jáne yntymaqtastyqtyń ózge de salalaryndaǵy tehnıkalyq kedergilerdi joıýdy, sondaı-aq zattar men materıaldardyń standartty úlgilerine memlekettiń qajettiligin qamtamasyz etýdi kózdeıdi.

«Sondaı-aq bıýro otyrysy kezinde Májilisten kelip túsken «Qazaqstan Respýblıkasynyń halyqaralyq sharttary týraly» Qazaqstan Respýblıkasynyń Zańyna ózgerister men tolyqtyrýlar engizý týraly» jáne «Qazaqstan Respýblıkasynyń Úkimeti men Amerıka Qurama Shtattarynyń Úkimeti arasyndaǵy halyqaralyq salyq tártibin jetildirý týraly kelisimdi ratıfıkatsııalaý týraly» zań jobalary jumys úshin tıisti komıtetterge bólinip berildi», - delingen Senattyń baspasóz qyzmeti taratqan aqparatta.


Avtor Marlan Jıembaı
Basty sózder: Senat, Parlament, Zań,
Joǵary qaraı