Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Senatorlar 2022-2024 jyldarǵa arnalǵan respýblıkalyq bıýdjet týraly zań jobasyn qaraıdy

2021 jyldyń 15 qarasha 2021 13:31

NUR-SULTAN. QazAqparat - Senat spıkeri Máýlen Áshimbaevtyń tóraǵalyǵymen Bıýro otyrysy ótti. Onda depýtattar 2021 jylǵy 18 qarashada ótetin Senat otyrysynyń kún tártibin bekitti, dep habarlaıdy QazAqparat joǵary palatanyń baspasóz qyzmetine silteme jasap.

Aldaǵy otyrysta senatorlar «2022-2024 jyldarǵa arnalǵan respýblıkalyq bıýdjet týraly» zań jobasyn qaraıdy.

Sonymen qatar «Qazaqstan Respýblıkasynyń Ulttyq qorynan 2022- 2024 jyldarǵa arnalǵan kepildendirilgen transfert týraly» zań jobasy

da Senat otyrysynyń qaraýyna shyǵaryldy. Bul qujat ortaq zeınetaqylar men memlekettik bazalyq zeınetaqy tólemderin tóleý jónindegi memlekettik mindettemelerdi oryndaýǵa yqpal etedi.

Bıýro otyrysynda aldaǵy juma kúni ótetin óńirlerdegi máslıhattar hatshylarymen offlaın kezdesýge daıyndyq barysy da pysyqtaldy.

Aıta keteıik, bıylǵy naýryz aıynda máslıhat depýttarymen kezdesý ótken bolatyn. Alaıda, ol kezde is-shara onlaın formatta uıymdastyryldy.

Sondaı-aq otyrysta Májilisten kelip túsken zań jobalary jumys úshin Senat Komıtetterine bólinip berildi.


Basty sózder: Senat, Qoǵam, Bıýdjet,
Joǵary qaraı