Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Senator týrızmdi damytý úshin teńiz vokzalyn salýdy usyndy

2021 jyldyń 28 qazan 2021 11:31

NUR-SULTAN. QazAqparat - Senator Narıman Tóreǵalıev «Qazaqstandyq ishki týrızmdi damytý - ýaqyt talaby» taqyrybyndaǵy parlamenttik tyńdaýǵa daıyndyq aıasynda jáne Mańǵystaý oblysyna sapar qorytyndysy boıynsha Premer-Mınıstr Asqar Mamınniń atyna óńirdegi týrızmdi damytý týraly depýtattyq saýal joldady, dep habarlaıdy QazAqparat tilshisi.

Senator Mańǵystaý oblysynyń týrıstik aımaqtarynda 1 100 shaqyrymnan astam joldy kúrdeli jóndeý jáne qaıta jańartý qajet ekenin atap ótti.

Sonymen qatar, óńirde qurǵaq júkter men munaı ónimderin tasymaldaýǵa arnalǵan «Aqtaý teńiz saýda porty» jáne «Quryq» porttary bar. Olardyń ekeýi de el ekonomıkasy úshin mańyzdy ról atqarady. Alaıda, olar tek júk tasymaldaý baǵytyna arnalǵan. Al jolaýshy kemelerin qabyldaýdyń múmkindikteri qarastyrylmaǵan.

«Óńirde týrızmdi odan ári damytýǵa serpin berý úshin jolaýshylar teńiz vokzalyn salý qajet. Jalpy, teńiz vokzalynyń salynýy týrızmmen birge, óńirdiń ekonomıkasyna jańa serpin beretini sózsiz», - dedi Narıman Tóreǵalıev Senattyń jalpy otyrysynda.


Joǵary qaraı